முகப்பு

பேட்டியில்

கன்னடத்து திவ்யா ஸ்பந்தனாஸ் தமிழில் குத்துப் படத்தில் நடித்தது முதல் அவரை குத்து ரம்யா என்றே அழைக்கின்றனர்.இதனால் அதிருப்தி அடைந்த திவ்யா, தனது பெயரை யாரும் இனிமேல் குத்து ரம்யா என்று அழைக்க வேண்டாம் என்று கேட்டுக் கொண்டார். தமிழிலும் தனது பெயரை திவ்யா என்றே மாற்றி வைத்தார்.

இந்த நிலையில் கன்னடப் படம் ஒன்றில் குத்துப் பாடலுக்கு அவர் கவர்ச்சிகரமாக ஆடப் போவதாக செய்திகள் பரவின. இதனால் அதிர்ச்சி அடைந்தார் ரம்யா. இதுகுறித்து அவர் கூறுகையில், கவிதா லங்கேஷ் இயக்கும் கிரேஸி லோகா படத்தில் நான் குத்துப் பாடலுக்கு ஆடுவதாக வெளியாகியுள்ளது வதந்தியாகும்.

அப்படியெல்லாம் நான் ஆடவில்லை. இப்படி வதந்தி கிளப்புவதே வேலையாகி விட்டது. இந்த வதந்தி குறித்து இயக்குநர் கவிதாவிடம் நான் கேட்டபோது, தயாரி்பபாளர்தான் இப்படி செய்தி பரப்பியுள்ளார். இது பப்ளிசிட்டிக்காக என்றார். எனக்கு இப்படியெல்லாம் பப்ளிசிட்டி தேவையில்லை என்று கோபத்துடன் கூறியுள்ளார் குத்து ரம்யா எனப்படும் திவ்யா.