எனக்கு யாரும் போட்டியில்லை... - அசின்

Interview

oi-Shankar

By Shankar

| Published: Wednesday, June 6, 2012, 13:48 [IST]

எனக்கு யாரும் போட்டியில்லை. நானும் யாருக்கும் போட்டியில்லை என்று நடிகை அசின் கூறியுள்ளார்.

இந்திப் பட உலகில் அசினுக்கு ஒரு இடம் கிடைத்துவிட்டது. தொடர்ந்து அவரது இரு படங்கள் நன்றாக ஓடியுள்ளன.

அடுத்து அக்ஷய்குமார் ஜோடியாக 'கில்லாடி 786' என்ற படத்தில் நடிக்க ஒப்பந்தமாகியுள்ளார். '2 ஸ்டேட்ஸ்' படமும் கைவசம் உள்ளது.

அசினுக்கு கிடைக்கும் முக்கியத்துவம் அங்குள்ள நடிகைகளை கடுப்பேற்றியுள்ளதாகக் கூறப்படுகிறது. அவரது வாய்ப்புகளைப் பறிக்கவும் முயற்சிக்கிறார்களாம்.

இதுகுறித்துக் கேட்டால், "சினிமாவில் இதையெல்லாம் யோசித்துக் கொண்டிருந்தால் அவ்வளவுதான். நான் எந்த நடிகைக்கும் போட்டியாக இல்லை. எனக்கும் யாரும் போட்டியாக வரமுடியாது. இந்தியில் நல்ல கேரக்டர்களில் நடித்து வருகிறேன்.

இப்போதுதான் எனக்கென ஒரு நல்ல இடம் அங்கு கிடைத்துள்ளது.

மற்ற நடிகைகளைவிட நான் திறமையான நடிகை என்று நிரூபிப்பது என் நோக்கமல்ல," என்றார் அசின்.