Don't Miss!
- Finance ஹார்லிக்ஸ் இனி ஹெல்த் ட்ரிங்க் இல்ல.. மத்திய அரசு அதிரடி அறிவிப்பு!
- News ஆந்திரா தேர்தல்: சிஎம் ஜெகன் அண்ணாவை அலறவிடும் இன்னொரு தங்கை! காங்கிரஸ் ஷர்மிளாவுடன் கை கோர்த்தார்!
- Lifestyle சர்க்கரை நோயாளிகள் சிக்கன் சாப்பிடலாமா? அப்படி சாப்பிட்டா என்ன நடக்கும் தெரியுமா? எப்படி சாப்பிடணும் தெரியுமா?
- Automobiles புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Technology முடிச்சிட்டாரு முகேஷ் அம்பானி.. மாதம் ரூ.112 போதும்.. 336 நாட்கள் வேலிடிட்டி.. அன்லிமிடெட் கால்.. ஓடிடி சந்தா!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
நளினிக்காக சூட்டிங் லொகேஷனை மாற்றிய சுந்தர் சி... நெகிழ்ந்த நடிகை!
சென்னை : நடிகை நளினி, தமிழில் ரசிகர்களை கவர்ந்த நாயகியாக வலம் வந்தவர். ஒரு கட்டத்தில் சின்னத்திரை பக்கம் தனது பார்வை மற்றும் பயணத்தை திருப்பிய அவர், தொடர்ந்து தற்போது சிறப்பான சீரியல் நடிகை மற்றும் ஷோக்களின் நடுவர் என்று பிசியாக காணப்படுகிறார்.
Recommended Video
ஒரு கோடிக்கு பதில் 10 கோடி...நிஜத்திலும் அதிரடி காட்டும் ஹெச்.வினோத்
80களின் கனவுக்கன்னி
80களில் நடிகை நளினி சினிமாவில் நாயகியாக பல படங்களில் நடித்தவர். ரசிகர்களை தன்னுடைய நடிப்பு மற்றும் அழகால் கவர்ந்தவர். 100 படங்களுக்கு மேல் நடித்துள்ளார். தொடர்ந்து நடிகர் ராமராஜனை திருமணம் செய்து செட்டில் ஆன நளினி, அவரை பிரிந்து தற்போது சினிமாவில் குணச்சித்திர மற்றும் காமெடி கதாபாத்திரங்களில் நடித்து வருகிறார்.
சவாலான டான்ஸ்
இவருடைய அப்பா பிரபல டான்ஸ் மாஸ்டர் என்றாலும் இவருக்கு சினிமாவில் மிகவும் சவாலாக இருந்தது டான்ஸ்தான் என்று ஒரு பேட்டியில் தெரிவித்திருந்தார். சினிமாவில் வாய்ப்புகள் குறைந்தபோது சின்னத்திரையில் இவருக்கு கைக்கொடுத்தது கிருஷ்ணதாசி சீரியல். இந்த சீரியலில் தன்னுடைய இயல்பை மீறி போல்டான கேரக்டரில் நடித்ததாக தெரிவித்துள்ளார்.
காமெடி ட்ராக்கிற்கு மாற்றிய ராதிகா
பிலிமிபீட்டிற்காக நளினி அளித்துள்ள பேட்டியில், தன்னை காமெடி ட்ராக்கிற்கு மாற்றியது ராதிகா தான் என்றும், தான் சின்ன பாப்பா பெரிய பாப்பா சீரியலில் நடிக்க தயங்கியபோது அவர்தான் தன்னை ஊக்குவித்து அந்த தொடரில் நடிக்க வைத்து தன்னுடைய பயணத்தை மாற்றினார் என்றும் கூறியுள்ளார்.
காமெடி கேரக்டர்கள்
இந்த சீரியலில் தன்னுடைய கேரக்டர் மிகவும் பேசப்பட்டதாகவும் தொடர்ந்து பெரிய திரையிலும் காமெடி கேரக்டர்களை தான் ஏற்று நடித்ததாகவும் அவர் மேலும் தெரிவித்துள்ளார். லண்டன் படத்தில் வடிவேலுவுடன் இணைந்து நடிக்க தான் முதலில் தயங்கியதாகவும் ஆனால் சுந்தர் சி தன்னால் முடியும் என்று தன்னை அந்தக் கேரக்டரை செய்ய வைத்ததாகவும் குறிப்பிட்டுள்ளார்.
சென்னையில் சூட்டிங்
இந்தப் படத்தின் சூட்டிங் முழுக்க முழுக்க லண்டனிலேயே நடந்த நிலையில் தன்னுடைய குழந்தைகளை விட்டு அவுட்டோர் செல்ல முடியாத நிலையில், சென்னையிலேயே தன்னுடைய போர்ஷனை சுந்தர் சி நடத்தியதாக நளினி பாராட்டு தெரிவித்துள்ளார். தான் அந்த கேரக்டரில் இயல்பாக நடித்தது குறித்து வடிவேலுவும் பாராட்டியதாக கூறியுள்ளார்.