Click it and Unblock the Notifications
மார்பிங் வீடியோவால் தற்கொலைக்கு முயன்றேன்.. உயிரோட இருக்க காரணமே குடும்பம் தான்.. அனுயா பேட்டி!
சென்னை: இயக்குனர் ராஜேஷ் இயக்கத்தில் நடிகர் ஜீவா நடிப்பில் வெளியாகி பிளாக்பஸ்டர் ஹிட் அடித்த திரைப்படம் தான் சிவா மனசுல சக்தி. அந்த படத்தில் நடித்ததன் மூலம் தமிழ் சினிமாவில் அறிமுகமான அனுயா பகவத், நீண்ட நாட்களுக்கு பிறகு மனம் திறந்து யூடியூப் சேனல் ஒன்றுக்கு பேட்டி அளித்துள்ளார்.
நடிகை அனுயா பகவத் பல படங்களில் நடித்திருந்தாலும், சிவா மனசுல சக்தி படம் தான் இவருக்கு பெயர் சொல்லும் படமாக அமைந்தது. இந்த படத்தில் ஜீவா, சந்தானம் நடிப்பும் நகைச்சுவையும் இன்று வரை பேசு பொருளாக உள்ளது. இந்த படத்திற்கு என்றே தனி பேன்ஸ் இருக்கிறார்கள்.
இந்த படத்திற்கு பின் அடுத்தடுத்த படங்களில் நடித்து வந்த அனுயா பகவத்தின் ஆபாசமான படங்கள், வீடியோக்களை பாடகி சுசித்ரா வெளியிட்டு புயலை கிளப்பினார். அது நான் இல்லை என்று மறுப்பு தெரிவிக்காமல், அந்த போட்டோவை கலைநயத்துடன் பாருங்க, தவறான கண்ணோட்டத்தில் பார்த்தால் தவறாகத்தான் தெரியும் என்று விளக்கம் கொடுத்து சர்ச்சையில் சிக்கினார். அதன் பிறகு சினிமாவில் தலைகாட்டாமல் இருந்த அனுயா, பல விஷயங்களை மனம் திறந்து பேசி உள்ளார்.
நான் உயிரோடு இருக்க காரணம் என் குடும்பம்: அதில், மார்பிங் வீடியோவால் நான் மிகுந்த மன அழுத்தத்திற்கு ஆளானேன், அந்த நேரத்தில் அந்த பிரச்சனையை நான் எப்படி எதிர் கொண்டேன் என்று எனக்கு தெரியவில்லை. தற்கொலை செய்து கொள்ளலாம் என்ற எண்ணம் வந்தது. அந்த எண்ணத்தில் இருந்து என்னை மாற்றியது என் குடும்பம். நான் இன்று உயிரோட இருக்க காரணமே குடும்பம் தான். அவர்களுக்கு என்னை பற்றி நன்றாக தெரியும் என்பதால், புரிந்து கொண்டு எனக்கு துணையாக இருந்தார்கள். ஆனால், இது போன்று மார்பிங் வீடியோவில் சிக்கும் பெண்களுக்கு குடும்பம் துணை நிற்குமா, அந்த பெண்களின் வாழ்க்கை என்னவாகும் என்று எனக்கு தெரியவில்லை.
மார்பிங் வீடியோ: அதே போல சுசி லீக் பிரச்சனைக்கு பிறகு நான், சினிமாவைவிட்டு விலக நினைத்து மிகுந்த மன அழுத்தத்தில் இருந்தேன். ஆனால், எத்தனை நாட்கள் நான் வீட்டிற்குள் இருக்க முடியும், வீட்டில் இருந்ததால் என் மன அழுத்தம் அதிகமானதால், அதை கடந்து வந்தேன். இப்போது சினிமாவில் கூட பெண்களை விமர்சித்துதான் வசனம், பாடல் வருகிறது அதை ரசித்து பார்க்கிறார்கள். படத்தில் ஒரு ஐட்டம் பாடல் வந்தால் கைதட்டி பார்க்கும் ஆண்கள், அந்த பாடலில் ஐட்டம் டான்ஸ் ஆடிய பெண்ணை கல்யாணம் மட்டும் பண்ணிக்க மாட்டாங்க என்று அனுயா பகவத் பல விஷயத்தை மனம் திறந்து பேசினார்.
Continue with Google