நிறைய கஷ்டங்களைப் பார்த்துட்டேன்! - கண்கலங்கும் சோனியா

By Shankar

| Published: Saturday, July 23, 2011, 18:09 [IST]

தினமும் ஷூட்டிங், விசேஷங்களில் பார்ட்டி, நண்பர்களுடன் விருந்துகள் என நாட்களை மகிழ்ச்சியுடன் கொண்டாடுகிறார் சோனியா அகர்வால்.

நேற்று முன்தினம் அவர் தனது தாயின் பிறந்தநாளை மெகா விருந்துடன் கொண்டாடினார். இந்த விருந்துக்கு ஏராளமான நண்பர்களையும் அவர் அழைத்திருந்தாராம்.

விருந்தின் போது அவர் நண்பர்களுடன் பல விஷயங்களைப் பகிர்ந்து கொண்டாராம் மனம்விட்டு.

அவர் கூறுகையில், "நான் இப்போது மிகவும் சந்தோஷமாக இருக்கிறேன். எனது சினிமா வாழ்க்கையை புதுப்பித்துக் கொண்டுவிட்டேன்.

முன்பை விட இப்போது நல்ல கேரக்டர்கள் வருகின்றன. தேர்ந்தெடுத்து நடிக்கிறேன். இளம் வயதிலேயே நிறைய பிரச்சினைகளைப் பார்த்துவிட்டேன். என்னை இன்னும் உறுதியாக்க இந்த சோதனைகள் உதவியிருக்கின்றன. கடவுள் என்னோடு இருப்பதாக உணர்கிறேன்," என்றார்.

இப்போது ஒரு நடிகையின் வாக்கு மூலம், மாதா பிதா குரு மற்றும் இரண்டு தெலுங்குப் படங்களில் நடித்து வருகிறார்.