Click it and Unblock the Notifications
சூர்யாவுக்கு நடந்த சோதனை: நாளை நமக்கும் நடக்கலாம்.. தயாரிப்பாளர் பாலாஜி பிரபு பகீர் பேட்டி!
நடிகர் சூர்யா நீட், ஜோதிகா கருத்துகள், ஜெய் பீம் சர்ச்சை போன்ற விமர்சனங்களை எதிர்கொள்வது குறித்து தயாரிப்பாளர் பாலாஜி பிரபு பேசினார். சூர்யாவின் அகரம் பவுண்டேஷன் கல்விப் பணிகளைப் பாராட்டிய அவர், சிவகுமாரின் பாரம்பரியத்தை நினைவு கூர்ந்தார். கருத்து சுதந்திரத்தின் முக்கியத்துவத்தை வலியுறுத்தி, சூர்யாவுக்கு நடப்பது நாளை நமக்கும் நடக்கலாம் என தைரியமாக கூறினார்.
சூர்யாவுக்கு நடந்த சோதனை நாளை நமக்கும் நடக்கலாம் என தயாரிப்பாளர் பாலாஜி பிரபு கூறியது பலரது கவனத்தை ஈர்த்துள்ளது. அகரம் பவுண்டேஷன் விழாவில் சூர்யாவுக்கு ஏற்பட்ட நெருக்கடிகள் குறித்தும், சமூக வலைத்தளங்களில் அவர் எதிர்கொண்ட விமர்சனங்கள் குறித்தும் அவர் வெளிப்படையாகப் பேசினார்.
சிவகுமார் அவர்களின் ஆரம்ப கால கல்விப்பணி குறித்து பாலாஜி பிரபு நினைவு கூர்ந்தார். சிவகுமார் சார், ப்ளஸ் 2 மற்றும் 10-ஆம் வகுப்பில் முதல் மதிப்பெண் பெற்ற மாணவர்களுக்கு ஒவ்வொரு வருடமும் பரிசு கொடுத்து வந்ததை அவர் குறிப்பிட்டார். அவர் போட்ட விதைதான் இன்று சூர்யா மூலம் ஆலமரமாக வளர்ந்து அகரம் பவுண்டேஷனாக உருவெடுத்துள்ளது என்றார்.
சூர்யா ஒரு நடிகராக இருந்து சமூகத்திற்கு ஏதாவது செய்ய வேண்டும் என்று நினைத்தார். மற்றவர்கள் செய்வது போல வீடு, கார் வாங்கி கொடுப்பது அல்லது பணம் கொடுப்பது என்பதையெல்லாம் தாண்டி, பல பேருக்கு கல்வி கொடுக்கும் ஒரு நல்ல விஷயத்தை அவர் செய்கிறார். தானத்தில் சிறந்த தானம் கல்விதானம் என்பதை உணர்ந்து அகரம் பவுண்டேஷனை அவர் தொடங்கியுள்ளார்.
சூர்யா செய்யும் நல்ல விஷயங்களை பலர் பாராட்டினாலும், விமர்சனங்களும் வந்துகொண்டு தான் இருக்கின்றன. சூர்யாவின் படம் நன்றாக இல்லையென்றால் விமர்சனம் செய்யலாம். ஆனால், சூர்யாவின் படமே வரக்கூடாது, அவர் சினிமா துறையில் இருக்கக் கூடாது என்று விமர்சிப்பது சரியல்ல. நல்ல விஷயங்கள் செய்தும் அதை மக்களுக்கு சொல்ல வேண்டிய சூழ்நிலை சூர்யாவுக்கு வந்தது வருத்தமளிக்கிறது என்றார் பாலாஜி.
சமீபத்தில் சிவகுமார் சார் தன்னை வீட்டுக்கு வரச் சொன்னதாகவும், காபி கொடுத்து உபசரித்ததாகவும் பாலாஜி கூறினார். சிவகுமார் தான் மகாபாரதம் மற்றும் திருக்குறள் பற்றி பேசிய வீடியோக்களை போட்டு காட்டி, எப்படி இருக்கிறது என்று கேட்டதாக அவர் தெரிவித்தார். 84 வயதில் ஒரு குழந்தை மாதிரி அவர் கேட்டது ஆச்சரியமாக இருந்தது என்று பாலாஜி கூறினார்.
சிவகுமார் அவர்கள் வரைந்த ஓவியங்கள் அடங்கிய புத்தகங்களை பாலாஜிக்கு அன்பளிப்பாக கொடுத்தார். அதில் அவருடைய பெயர், மனைவி, குழந்தைகள், அப்பா, அம்மா, தம்பி, தம்பியின் மனைவி, குழந்தைகள் என குடும்ப உறுப்பினர்கள் பெயர்களை எழுதி கையொப்பமிட்டு கொடுத்ததை பாலாஜி நினைவு கூர்ந்தார்.
சூர்யா நீட் தேர்வு பற்றி பேசியதற்காகவும், ஜோதிகா கோயிலுக்கு கொடுக்கும் பணத்தை பள்ளிக்கூடங்களுக்கு கொடுக்கலாம் என்று சொன்னதற்காகவும் விமர்சிக்கப்பட்டனர். ஜோதிகா இஸ்லாம் மதத்தை சேர்ந்தவர் என்பதால் கோயிலை பற்றி எப்படி பேசலாம் என்று சிலர் கேட்டனர். ஆனால், எல்லா மதத்தினரும் சமம் என்பதை நாம் உணர வேண்டும் என்றார் பாலாஜி.
ஜெய்பீம் படத்தில் ஒரு குறிப்பிட்ட சமுதாயத்தை கேவலப்படுத்தியதாக சர்ச்சை எழுந்தது. இன்று சூர்யாவுக்கு நடப்பது, நாளை நமக்கும் நடக்கலாம். கருத்து சுதந்திரம் பறிக்கப்படும் இந்த காலகட்டத்தில், நாம் தைரியமாக நம் கருத்துக்களை சொல்ல வேண்டும். விமர்சனங்களை கண்டு பயப்படக் கூடாது என்று பாலாஜி பிரபு கூறினார்.
Continue with Google