TamilbredcrumbMoviesbredcrumbNOTAbredcrumbCritics Review

    விமர்சகர்கள் கருத்து

    • சர்ச்சையாக தமிழக முதல்வராகும் நாயகன் அதில் வரும் சவால்களை எப்படி சமாளிக்கிறார் என்பதே நோட்டா படம்.

      பிளேபாய், டம்மி முதலமைச்சர், பொறுப்பான முதலமைச்சர் என வெரைட்டி காட்டியிருக்கிறார் விஜய் தேவரகொண்டா. தமிழ்நாட்டின் சமகால அரசியலை மையமாக வைத்து எடுக்கப்பட்டிருக்கும் இந்தப் படத்தில் நடிக்க தனி தைரியம் வேண்டும். சிறப்பாக செய்திருக்கிறார். அழகாக தமிழ் பேசி நடித்திருக்கிறார்.

      படத்தின் ஹீரோ விஜய். வில்லன்...? விஜய் யாரை எதிர்த்து போராடுகிறார் என்பதே புரியவில்லை. எதிர்கட்சித் தலைவரின் மகள் கயல் வரதராஜனை எதிர்த்தா, சொந்த தந்தையை எதிர்த்தா அல்லது ஆட்சியாளர்களை அடக்கியாளும் சாமியாரை எதிர்த்தா... இந்த கேள்விக்கான விடையை தேடும் முன் படம் முடிந்துவிடுகிறது. ரவுடி சி.எம்.மாக மாறி அதிரடியாக அரசியல் களம் இறங்கும் விஜய், அடுத்து என்ன செய்யப்போகிறார் என்று எதிர்பார்த்து ஏமாந்து போகிறோம்.

      'கொஞ்சம் நிமிர்ந்து பழகுங்கடா... அப்புறம் முகத்த சரியா பார்க்கலைன்னு சிலையை தப்பா செஞ்சிடப்போறிங்க' என்பது உள்ளிட்ட சில வசனங்கள் மட்டுமே கவனம் ஈக்கின்றன. ஒரு அரசியல் படத்துக்கான வசனங்கள் இதில் மிஸ்ஸிங்.

      படத்தில் கருணாகரன் எதற்காக இருக்கிறார் என்பதே தெரியவில்லை. காமெடியும் செய்யவில்லை. தனது குருநாதர் இயக்குனர் ஏ.ஆர்.முருகதாஸை நடிக்க வைத்து அழகு பார்த்திருக்கிறார் இயக்குனர் ஆனந்த் சங்கர்.

      இது அரசியல் திரில்லர் படமா இல்லை அரசியல் நையாண்டி படமா என்பதே புரியவில்லை. மொத்தில் நோட்டாவுக்கு ஓட்டுப் போடலாமா வேண்டாமா என்பதை வாக்காளராகிய நீங்களே முடிவு செய்து கொள்ளுங்கள்.