ஜெனீவாவில் தில்லுமுல்லு, சுட்டகதை, நளனும் நந்தினியும் இசைவெளியீட்டு விழா!

சென்னை: வேந்தர் மூவிஸ் தயாரித்த தில்லு முல்லு உள்பட 3 படங்களின் இசை வெளியீட்டு விழா சுவிட்சர்லாந்தில் உள்ள ஜெனீவாவில் நடக்கிறது. அத்துடன் எதிர்நீச்சல் படத்தின் வெற்றி விழாவையும் ஜெனீவாவில் நடத்துகின்றனர்.

வேந்தர் மூவிஸ் சார்பில் எஸ்.மதன் தயாரிக்கும் படம் 'தில்லு முல்லு'. இது ரஜினி நடித்த 'தில்லு முல்லு' படத்தின் ரீமேக். சிவா, இஷா தல்வார் நடித்துள்ளனர், பத்ரி இயக்கியுள்ளார்.

மேலும் சுட்டகதை, நளனும் நந்தினியும் ஆகிய இரு படங்களை வேந்தர் மூவீஸ் வாங்கி வெளியிடுகிறது.

இந்த மூன்று படங்களின் இசை வெளியீட்டை சுவிட்சர்லாந்தில் உள்ள ஜெனீவா நகரில் நடத்துகின்றனர்.

வேந்தர் மூவிஸ் வாங்கி வெளியிட்ட 'எதிர்நீச்சல்' படம் படத்தின் வெற்றி விழாவையும் அத்துடன் சேர்த்து நடத்துகின்றனர்.

ஜெனீவாவில் உள்ள விக்டோரியா அரண்மனையில் ஜூன் 1 ம் தேதி இவ்விழா நடக்கிறது. இதில் இத்தாலிய கலைஞர்களின் நடன நிகழ்ச்சி மற்றும் தமிழ் பாடகர்கள் பங்கேற்கும் இசை நிகழ்ச்சியும் நடக்கிறது.

இவ்விழாவுக்கு பாரிவேந்தர் தலைமை தாங்குகிறார். தனுஷ், சிவகார்த்தி கேயன், பிரியா ஆனந்த், சிவா, பிரகாஷ்ராஜ், இசையமைப்பாளர் அனிருத் உள்ளிட்டோர் பங்கேற்கின்றனர்.