இசை அசுரனின் சிறப்பான இசை... வெளியானது யானை படத்தின் லிரிக் வீடியோ பாடல்!

யானை படம்

நடிகர் அருண் விஜய் அடுத்தடுத்து சிறப்பான பல படங்களில் நடித்து வருகிறார். அவரது நடிப்பில் அடுத்ததாக உருவாகியுள்ள படம் யானை. அவரது மைத்துனர் ஹரியின் டைரக்ஷனில் இந்தப் படம் உருவாகியுள்ளது. இந்தப் படத்தின் சூட்டிங் நிறைவடைந்து விரைவில் ரிலீசாக உள்ளது.

முதல்முறையாக கூட்டணி

சூர்யாவின் நடிப்பில் வெளியான சிங்கம் படங்களின் வெற்றியை தொடர்ந்து தற்போது யானை படம் மூலம் களமிறங்கியுள்ளார் இயக்குநர் ஹரி. முதல்முறையாக அருண் விஜய் -ஹரி காம்பினேஷனில் இந்தப் படம் உருவாகியுள்ளது.

வெற்றிக்கான கட்டாயம்

வழக்கமாக சிறப்பான திரைக்கதையுடன் களமிறங்கும் இயக்குநர் ஹரியின் கடைசி படங்களான சிங்கம் 3 மற்றும், சாமி 2 ஆகிய படங்கள் தோல்வியை தழுவிய நிலையில், தற்போது வெற்றியை கொடுக்கும் கட்டாயத்தில் உள்ளார் ஹரி. அதனால் யானை படத்தை மிகுந்த கவனத்துடன் அவர் இயக்கியுள்ளார்.

பிரியா பவானி சங்கர் நாயகி

படத்தில் அருண் விஜய்க்கு நாயகியாக பிரியா பவானி சங்கர் நடித்துள்ளார். படத்திற்கு இசை அசுரன் ஜிவி பிரகாஷ் இசையமைத்துள்ளார். படத்தின் முதல் பாடல் தற்போது வெளியாகியுள்ளது. முன்னதாக நேற்றைய தினம் பாடலின் பிரமோ வெளியானது. பாடலை ஆர்யா தயால் பாடியுள்ளார்.

ரிலீசுக்கு தயாராகும் படம்

டிரம்ஸ்டிக் புரொடக்ஷன்ஸ் தயாரித்துள்ள இந்தப் படத்தின் அனைத்து பணிகளும் நிறைவடைந்துள்ள நிலையில் தற்போது ரிலீசுக்கு படம் தயாராகி வருகிறது. இதனையொட்டியே தற்போது படத்தின் முதல் பாடல் வெளியாகியுள்ளது. பொங்கலை முன்னிட்டு பாடல் வெளியாகியுள்ளது அருண் விஜய் ரசிகர்களை குஷியாக்கியுள்ளது.