ஆக 20-ல் ராஜா ராணி படத்தின் ஒற்றைப் பாடல்... 23-ல் மொத்தப் பாடல்களும் வெளியீடு!

சென்னை: ஆர்யா - நயன்தாரா நடித்துள்ள, ஏகத்துக்கும் விளம்பரப்படுத்தப்பட்டு வரும் 'ராஜா ராணி' படத்தின் ஒற்றைப் பாடல் வரும் ஆகஸ்ட் 20-ம் தேதி வெளியாகிறது.

ஷங்கரின் உதவியாளர் அட்லி இயக்கியுள்ள இந்தப் படத்தை பாக்ஸ் ஸ்டார் நிறுவனத்துடன் இணைந்து இயக்குனர் முருகதாஸ் தயாரிக்கிறார். ஜீ.வி.பிரகாஷ் இசையமைத்துள்ளார்.

இப்படத்தின் டிரைலர், புகைப்படங்கள் மற்றும் பாடல் உருவாக்கம் சமீபத்தில் வெளியானது. இந்நிலையில், இந்த படத்தின் ஒற்றைப் பாடலை இம்மாதம் 20-ந் தேதி வெளியிட உள்ளனர்.

23-ந் தேதி இப்படத்தின் இசை வெளியீட்டு விழா நடைபெற உள்ள நிலையில், அதற்கு மூன்று நாட்கள் முன்னதாகவே 'ஹே பேபி' என்ற ஒற்றைப் பாடலை வெளியிட்டு, கூடுதல் பப்ளிசிட்டி கிளப்ப படக்குழுவினர் முடிவெடுத்துள்ளனர்.

அக்டோபர் அல்லது தீபாவளிக்கு படத்தை வெளியிடத் திட்டமிட்டுள்ளனர்.