சரத்குமாரின் சண்டமாருதம் பாடல் ரிலீஸ்.. நமீதா பங்கேற்பு!

இசை வெளியீடு...

தயாரிப்பாளர் ஆர்.பி.சௌத்திரி இசைத் தட்டை வெளியிட இயக்குனர் கே.எஸ்.ரவிகுமார், தனுஷ், விக்ரம்பிரபு மற்றும் அனைவரும் பெற்றுக் கொண்டனர்.

டபுள் ஆக்‌ஷன்...

கிரைம் கதை மன்னன் ராஜேஷ்குமார் திரைக்கதை எழுதியுள்ள இப்படத்தில், வில்லன், ஹீரோ என இரண்டு வேடங்களிலும் சரத்குமார் நடித்துள்ளார்.

இரண்டு நாயகிகள்...

சுமார் நான்கு ஆண்டுகளுக்குப் பிறகு சரத்குமார் ஹீரோவாக நடித்துள்ள இப்படத்தில் அவருக்கு ஜோடியாக ஓவியா, மீரா நந்தன் என இரண்டு நாயகிகள்.

ராதாரவி, இமான் அண்ணாச்சி...

இவர்கள் தவிர, ராதாரவி, இமான் அண்னாச்சி, விஜயகுமார், தம்பிராமையா, ஜி.எம்.குமார், மோகன்ராம், சந்தானபாரதி, ஆதவன், ரேகா சுரேஷ், வின்செண்ட் அசோகன், கானா உலகநாதன் உள்ளிட்ட பலர் இப்படத்தில் நடித்துள்ளனர்.

பிரம்மாண்ட சண்டைக்காட்சி...

இப்படத்தில் பின்னி மில்லில் பிரம்மாண்ட கண்ணாடி அரங்கத்தில் ஐந்து காமிரா கொண்டு முப்பதுக்கும் மேற்பட்ட ஸ்டன்ட் கலைஞர்களுடன், நான்கு பேங்காக் ஸ்டண்ட் கலைஞர்களும் பங்கேற்ற சண்டைக்காட்சி ஒன்றில் சரத்குமார் நடித்துள்ளார்.

பரபரப்பான சண்டைக்காட்சி...

தொடர்ந்து 10 நாட்களாக படமாக்கப்பட்ட இந்த பரபரப்பான சண்டைக்காட்சி, படத்தில் முக்கிய பங்கு வகிக்கும் என படக்குழுவினர் தெரிவித்துள்ளனர்.

ஊழிப்பெருங்காற்று...

சண்டமாருதம் என்றால் ஊழிப்பெருங்காற்று என்று அர்த்தம் என்பது குறிப்பிடத்தக்கது .