இஸ்பேட் ராஜாவும் இதய ராணியும்.. ஹரீஷ் படப் பாடலில் விஜய் சேதுபதியின் சர்ப்ரைஸ்!

கண்ணம்மா பாடல்

ஏற்கனவே இப்படத்தில் இடம்பெறும் ‘கண்ணம்மா' பாடல் வெளியாகி மக்களிடையே பெரும் வரவேற்பைப் பெற்றது. அதன் தொடர்ச்சியாக தற்போது அப்படத்தின் அடுத்த பாடலை படக்குழு வெளியிட்டுள்ளது. ‘ஏய் கடவுளே' எனத் தொடங்கும் அப்பாடல் விஜய் சேதுபதியின் குரலில் வசனமாக ஆரம்பிக்கிறது. அதனைத் தொடர்ந்து ஹரீஷ் கல்யான் அப்பாடலைப் பாடியுள்ளார்.

வேகத்தை அதிகரிக்கும் பாடல்கள்

இது குறித்து, இயக்குனர் ரஞ்சித் ஜெயக்கொடி கூறுகையில், "கதை எழுத ஆரம்பித்த போதே பாடல்கள் கதையின் தீவிரத்தை அதிகரிக்கும் முக்கிய காரணியாக இருக்க வேண்டும், படத்துக்கு வேகத்தடையாக இருக்கக் கூடாது என்பதில் தெளிவாக இருந்தோம். குறிப்பாக, இந்த பாடல் 'ஏய் கடவுளே' படத்தில் முக்கியமான இடத்தில் வரும். குறிப்பாக, மக்கள் செல்வன் விஜய் சேதுபதியின் குரலில் வசனமாக ஆரம்பிக்க, ஹரீஷ் கல்யாண் அதை தொடர்ந்து இந்த பாடலை பாடியுள்ளார்.

புதிய அனுபவம் தரும் ஏய் கடவுளே

இசையின் காதலர்கள் எப்போதும் இசை மற்றும் ஒலியில் வரும் புதிய யோசனைகளை சிவப்பு கம்பளம் விரித்து வரவேற்பார்கள். அதன்படி, 'ஏய் கடவுளே' அனைவருக்கும் ஒரு புதிய அனுபவத்தை வழங்கும் என நாங்கள் நம்புகிறோம்" எனத் தெரிவித்துள்ளார்.

விநியோக உரிமை

மாதவ் மீடியா சார்பில் பாலாஜி கப்பா தயாரித்துள்ள இஸ்பேட் ராஜாவும் இதய ராணியும் படத்தின் தமிழ்நாடு வினியோக உரிமையை ஃபைவ் ஸ்டார் பிக்சர்ஸ் கைப்பற்றியிருக்கிறது. கவின் ஒளிப்பதிவில், பவன் ஸ்ரீகுமார் படத்தொகுப்பில், சாம் சிஎஸ் இந்த படத்துக்கு இசையமைத்திருக்கிறார்.