'மயக்கம் என்ன' படம் மூலம் பாடலாசிரியர்களான தனுஷ் - செல்வா!!

செல்வராகவன் இயக்கத்தில் உருவாகியுள்ள 'மயக்கம் என்ன' படத்தின் இசை வெளியீடு சென்னை ரேடியோ மிர்ச்சி அலுவலகத்தில் நடந்தது.

திங்கள்கிழமை காலை நடந்த இந்த விழாவில் இயக்குநர் செல்வராகவன், ஹீரோ தனுஷ், நாயகி ரிச்சா கங்கோபாத்யாய், இசையமைப்பாளர் ஜிவி பிரகாஷ் குமார், செல்வராகவன் மனைவி கீதாஞ்சலி உள்பட பலர் கலந்து கொண்டனர்.

இந்தப் படத்தின் மூலம் முதல் முறையாக இசை விநியோகத்தில் இறங்கியுள்ளது பிரபல கலர் லேப் நிறுவனமான ஜெமினி.

மயக்கம் என்ன படத்தில் 5 பாடல்கள் இடம்பெற்றுள்ளன. பாடல்களை முதல்முறையாக தனுஷும் செல்வராகவனும் எழுதியுள்ளனர். அதுமட்டுமல்ல இரண்டு பாடல்களை செல்வாவும் தனுஷும் பாடியுள்ளது குறிப்பிடத்தக்கது.