சிங்கம் 2- ஜூன் 2ல் இசை வெளியீடு

Music

oi-Shankar

By Shankar

| Updated: Tuesday, May 21, 2013, 18:20 [IST]

சூர்யா நடித்துள்ள சிங்கம் 2 படத்தின் இசை வெளியீட்டு விழா வரும் ஜூன் 2-ம் தேதி சென்னையில் வெளியாகிறது.

சிங்கம் படத்தின் தொடர்ச்சியாக வருகிறது சிங்கம் 2 படம். ஹரி இயக்கியுள்ளார். சூர்யாவுடன் அனுஷ்கா, ஹன்சிகா, விவேக், சந்தானம் உள்பட பலர் நடித்துள்ளனர்.

இந்தப் படத்தின் படப்பிடிப்பு தென் தமிழகத்தின் தூத்துக்குடியில் தொடங்கி, தென் ஆப்ரிக்கா வரை நடந்தது.

சிங்கம் படத்தின் பாடல்கள் நல்ல வரவேற்பைப் பெற்றன. எனவே சிங்கம் 2-ன் பாடல்களுக்கும் பெரும் எதிர்ப்பார்ப்பு ஏற்பட்டுள்ளது.

சிங்கம் 2 படத்தின் இசை வெளியீடு சென்னையில் உள்ள நந்தம்பாக்கம் வர்த்தக மையத்தில் வரும் ஜூன் இரண்டாம் தேதி பிரமாண்டமாக நடக்கிறது.

படம் வெளியாகும் தேதி முன்பே அறிவிக்கப்பட்டது நினைவிருக்கலாம். ஜூன் 14-ம் தேதி உலகம் முழுவதும் சிங்கம் 2 வெளியாகிறது.