11 ஜேம்ஸ்பாண்ட் படங்களுக்கு இசையமைத்த ஜான் பார்ரி மரணம்!

நியூயார்க்: 11 ஜோம்ஸ்பாண்ட் படங்களுக்கு இசையமைத்து சாதனைப் படைத்த 77 வயது ஜான் பார்ரி நேற்று முன்தினம் நியூயார்க்கில் மரணமடைந்தார்.

மாரடைப்பு காரணமாக பார்ரி மரணம் அடைந்ததாக தெரிகிறது. முதலில் கடந்த 1963-ம் ஆண்டு வெளியான 'ருஷ்யா வித் லவ்' என்ற ஜேம்ஸ்பாண்டு படத்துக்கு இசை அமைத்தார்.அதைத் தொடர்ந்து 11 பாண்ட் படங்களுக்கு தொடர்ந்து இசையமைத்து சாதனை படைத்தார்.

ஒரே மனைவி லாராவுடன் 33 ஆண்டுகள் வாழ்ந்த, இவருக்கு 4 குழந்தைகளும், 5 பேரக் குழந்தைகளும் உள்ளனர்.

'பார்ன் ப்ரீ', 'அவுட் ஆப் ஆப்ரிக்கா' போன்ற படங்களுக்காக 5 ஆஸ்கர் விருதுகள் பெற்றவர் பார்ரி. கோல்ட்பிங்கர் படத்துக்கும் இவர்தான் இசை.

ஜான் பார்ரி மறைவுக்கு ஹாலிவுட் திரைக் கலைஞர்கள் பலரும் அஞ்சலி செலுத்தினர்.