Don't Miss!
- News தமிழ்நாட்டின் 26 வருட கனவு.. நிஜமாகும் அதிசயம்.. சென்னை டூ குமரி.. ரயில் பயண நேரம் அடியோடு மாறுது!
- Lifestyle வெளிநாட்டினர் ஏன் பால் சேர்க்கப்பட்ட காபிக்கு பதிலாக எப்போதும் ப்ளாக் காபி மட்டும் குடிக்கிறார்கள் தெரியுமா?
- Finance கிரெடிட் கார்டு வச்சு இருக்கீங்களா? அப்போ முதல்ல இதை படிங்க.. ரொம்ப முக்கியம்!
- Technology முடிச்சிட்டாரு முகேஷ் அம்பானி.. மாதம் ரூ.112 போதும்.. 336 நாட்கள் வேலிடிட்டி.. அன்லிமிடெட் கால்.. ஓடிடி சந்தா!
- Sports இன்னும் 6 போட்டிகள் இருக்கு.. என்ன வேண்டுமானாலும் நடக்கலாம்.. பிளே ஆஃப் பற்றி ஆர்சிபி வீரர் ஜாக்ஸ்!
- Automobiles துபாயில் சென்னை விமானத்தை தவறவிட்ட 15 வயது சிறுமி! அடுத்து நடந்த விஷயம் தான் அதிசயம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
'ரீமேக்' ஆகும் ரஜினியின் பொல்லாதவன்!
சிவாஜி கணேசன், ரஜினிகாந்த், கமல்ஹாசன் ஆகியோரை வைத்து சூப்பர் ஹிட் படங்களைக் கொடுத்தவர். இமயம், அந்தமான் காதலி, பரீட்சைக்கு நேரமாச்சு, கீழ்வானம் சிவக்கும் உள்ளிட்ட படங்களைக் சிவாஜியை வைத்துக் கொடுத்தார்.
ரஜினியை வைத்து பொல்லாதவன், சிவப்புச்சூரியன் ஆகிய படங்களைக் கொடுத்தார். கமல்ஹாசனை வைத்த நாயகன், சிம்லா ஸ்பெஷல் உள்ளிட்ட படங்களைக் கொடுத்தார். பாண்டியராஜனை வைத்து இவர் எடுத்த வாய்க்கொழுப்பு, கதாநாயகன் ஆகிய படங்கள் காமெடிக்காக ஹிட் ஆன படங்களாகும். இவரது தயாரிப்பில் வெளியான சினிமாப் பைத்தியம், சூரியகாந்தி, தவப்புதல்வன் ஆகியவை பாராட்டுப் பெற்ற படங்களாகும்.
இடையில் சில காலம் படத் தயாரிப்பு மற்றும் இயக்கத்தை நிறுத்தி வைத்திருந்த முக்தா சகோதரர்கள், இப்போது மீண்டும் தயாரிப்பில் இறங்கியுள்ளனர் முழு வீச்சில்.
இந்த முறை புதிய கதைகளைத் தேடாமல், தங்களின் சூப்பர் ஹிட் படங்களையே மீண்டும் ரீமேக் செய்யப் போகிறார்களாம்.
ரஜினியின் சூப்பர் ஹிட் படங்களுள் ஒன்றான பொல்லாதவன், சிவக்குமார் - லட்சுமி நடித்த அவன் அவள் அது மற்றும் பாண்டியராஜன்- எஸ்வி சேகர் நடித்த வாய்க்கொழுப்பு ஆகிய மூன்று படங்களையும் ரீமேக் செய்யவிருப்பதாக முக்தா பிலிம்ஸ் பிரைவேட் லிமிடெட் சார்பில் அறிவிக்கப்பட்டுள்ளது.
இந்தப் படங்களை முக்தா வி ராமசாமியின் மகன் முக்தா கோவிந்துடன் இணைந்து தயாரிக்கிறார் முக்தா சீனிவாசன். இப்படங்களில் நடிப்பவர்கள் மற்றும் இதர தொழில்நுட்ப கலைஞர்கள் பற்றிய அறிவிப்புகள் விரைவில் வெளியாக உள்ளது.
பொல்லாதவன் என்ற பெயரில் ரஜினியின் மருமகன் தனுஷ் ஏற்கெனவே ஒரு படம் நடித்து வெளியிட்டதும், அந்தப் படத்தின் வெற்றி காரணமாக, ரஜினி படத் தலைப்புகளை மொத்தமாக அவர் குத்தகைக்கு எடுத்துக் கொண்டிருப்பதும் நினைவிருக்கலாம்