Click it and Unblock the Notifications
ராக்கியின் ரியாலிட்டி ஷோவில் பாபா ராம்தேவ்?
கவர்ச்சி நடிகை ராக்கி சாவந்த் அன்மையில் தான் பாபா ராம்தேவ் மிகவும் செக்ஸியாக இருப்பதாகவும். அவரைத் திருமணம் செய்துகொள்ள விரும்புவதாகவும் தெரிவித்து பரபரப்பை ஏற்படுத்தினார்.
தற்போது பாபா ராம்தேவ் தனது ரியாலிட்டி ஷோவில் சிறப்பு விருந்தினராக கலந்துகொள்ளப் போவதாக தெரிவித்துள்ளார்.
பாபா ராம்தேவ் உண்ணாவிரதம், போராட்டம் என்றிருக்கிறார். ஆனால் ராக்கியோ அவரை தனது கணவராக்க விரும்புகிறார்.
இது குறித்து அவர் நாளிதழ் ஒன்றுக்கு அளித்த பேட்டியின்போது கூறியதாவது,
நான் பாபா ராம்தேவை திருமணம் செய்துகொள்ள விரும்புவதாக தொலைக்காட்சியில் தெரிவித்தேன். ஆனால் அது குறித்து அவர் எந்த பதிலும் அளிக்கவில்லை. அதனால் அந்த விஷயம் பற்றி நான் பேச விரும்பவில்லை. நான் சொன்னது கண்டிப்பாக அவர் காதுகளுக்கு சென்றிருக்கும். சரி, என்ன செய்வது? மறந்துவிடுங்கள்.
எனக்கு பாபா ராம்தேவ் என்றால் ரொம்ப இஷ்டம். நான் அவர் மீது அதிக மரியாதை வைத்திருக்கிறேன். ஆனால் மக்கள் நான் காமெடியடிப்பதாக நினைக்கிறார்கள்.
நான் பாபாவைத் திருமணம் செய்ய விரும்புவதாகக் கூறியவுடன் பலர் என்னிடம் ஏன் பாபாவைத் தேர்ந்தெடுத்துள்ளீர்கள் என்று கேட்கின்றனர். அதே கேள்வியை எனக்கு நானே கேட்டுக் கொண்டேன். விடையைப் பெறத்தான் அவரை எனது ரியாலிட்டி ஷோவில் கலந்து கொள்ளுமாறு அழைத்தேன். அவரும் கலந்துகொள்ளவிருக்கிறார்.
அவர் வரும்போது நான் அவரைப் புகழ்ந்து தள்ளுவேன், பிரணயானம் செய்து காட்டுவேன், அவருக்காக ஒரு நடனம் கூட ஆடவிருக்கிறேன் என்றார்.
பாபா ராம்தேவ் ஏற்கனவே பல பிரச்சனைகளை சந்தித்து வருகிறார். இதில் ராக்கி வேறா?
கடவுள் தான் பாபா ராம்தேவை ராக்கியிடம் இருந்து காப்பாற்ற வேண்டும்.
Continue with Google