முகப்பு

செய்திகள்

சென்னை: பழம்பெரும் இயக்குநர் எல்லிஸ் ஆர்.டங்கன் காலத்தில் இருந்து திரைப்படங்களில் மிருகங்களுக்கு பயிற்சி அளிப்பவராக பணிபுரிந்த புலிக்குட்டி கோவிந்தராஜ் நேற்று மரணமடைந்தார்.

ஆயிரத்துக்கும் மேற்பட்ட படங்களில் மிருகங்களின் பயிற்சியாளராக பணிபுரிந்தவர் கோவிந்தராஜ். சேலத்தைச் சேர்ந்தவர். 'புலி பெற்ற பிள்ளை' என்ற படத்தை சொந்தமாக தயாரித்ததுடன், அதில் கதாநாயகனுக்கு அண்ணனாக நடித்திருந்தார். 102 வயதான புலிக்குட்டி கோவிந்தராஜ், சென்னையில் நேற்று மரணம் அடைந்தார்.

அவருடைய உடல், சென்னையில் இருந்து சொந்த ஊரான சேலம் மாவட்டம் ஆத்தூருக்கு எடுத்துச் செல்லப்பட்டது. அங்கு இன்று (வெள்ளிக்கிழமை) காலை 10 மணிக்கு உடல் அடக்கம் நடக்கிறது.

மறைந்த புலிக்குட்டி கோவிந்தராஜுக்கு சரோஜா (வயது 85) என்ற மனைவியும், ஜெயபால், நேரு என்ற 2 மகள்களும் இருக்கிறார்கள்.