முகப்பு

செய்திகள்

மயக்கம் என்ன ரிலீஸ் தேதியில் மாற்றமில்லை என்றும், முன்பு அறிவித்தபடி நவம்பர் 25-ம் தேதியே வெளியாகும் என்றும் படத்தின் தயாரிப்பாளர் அறிவித்துள்ளார்.

தீபாவளிக்கு வெளியாவதாக அறிவிக்கப்பட்ட மயக்கம் என்ன படம், பல்வேறு காரணங்களால் தள்ளிப் போடப்பட்டது. இறுதியாக நவம்பர் 25-ம் தேதி வெளியாகும் என்று அறிவிக்கப்பட்டது.

பின்னர் வரும் டிசம்பர் 2-ம் தேதிக்கு தள்ளிப் போனதாக இயக்குநர் செல்வராகவன் ட்விட்டரில் கூறியிருந்த நிலையில், இப்போது மீண்டும் வெளியீட்டுத் தேதி நவம்பர் 25-தான் என தயாரிப்பாளர் அறிவித்துள்ளார்.

இப்படத்தில் தனுஷிற்கு ஜோடியாக தெலுங்கு நடிகை ரிச்சா கங்கோபாத்யாய் நடித்துள்ளார். ஜி.வி.பிரகாஷ் இசையில் அனைத்துப் பாடல்களையும் தனுஷ் மற்றும் செல்வராகவனும் இணைந்து எழுதியுள்ளனர்.