விக்ரம் மறுத்ததால் கோபிசந்துடன் கைகோர்க்கும் பூபதி பாண்டியன்!

விக்ரமை ஹீரோவாக வைத்து ராஜ காளியம்மன் மூவீசுக்காக ஒரு படம் இயக்குவதாக முன்பு ஒப்புக் கொண்டிருந்தார் இயக்குநர் பூபதி பாண்டியன்.

வெடி என்று அதற்கு தலைப்பு கூட வைத்த நிலையில், திடீரென கதை பிடிக்கவில்லை என்று படத்தில் நடிக்க மறுத்துவிட்டார் விக்ரம். அதற்கு பதில்தான் விஜய் இயக்கத்தில் தெய்வத் திருமகளில் அவர் நடித்தார் என்பது நினைவிருக்கலாம்.

விக்ரமால் நிராகரிக்கப்பட்ட தனது ஸ்க்ரிப்டை அப்படியே தெலுங்குக்கு கொண்டுபோனார் பூபதி பாண்டியன். கதையைக் கேட்ட கோபிசந்த் தெலுங்கில் உடனே படத்தைத் தொடங்குங்கள், நான் தருகிறேன் கால்ஷீட் என்று உறுதியளிக்க, உற்சாகமாக வேலையை ஆரம்பித்துவிட்டார் பூபதி பாண்டியன்.

இந்தப் படத்தில் தமன்னா நாயகியாக நடிக்கிறார்.

பூபதி பாண்டியனுக்கு தெலுங்கில் இதுதான் முதல்படம் என்பது குறிப்பிடத்தக்கது.