Don't Miss!
- News "ரொம்ப தொந்தரவு பண்றீங்க..." வடிவேலுவிடம் டென்ஷனான நபர்.. சட்டென மாறிய முகம்.. அடுத்து என்னாச்சு
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
- Lifestyle World Liver Day 2024: இந்த பழக்கங்கள் இருந்தா உடனே கைவிடுங்க.. இல்லன்னா கல்லீரல் சீக்கிரம் செயலிழந்துவிடும்..
- Technology ஏப்.22-24.. அடுத்த வாரம் அமோக வாரம்.. விற்பனைக்கு வரும் 3 புது 5G போன்கள்.. எல்லாமே ரூ.15,000.. எதை வாங்கலாம்?
- Sports ஹர்திக் பாண்டியாவுக்கு அடுத்த அடி.. கடும் அதிருப்தியில் மும்பை இந்தியன்ஸ் அணியின் அனுபவ வீரர்
- Automobiles ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
- Finance விப்ரோ லாபத்தில் 8% வீழ்ச்சி.. ஷாக் கொடுத்த மார்ச் காலாண்டு முடிவுகள்..!!
- Travel இங்க போறது கொஞ்ச கஷ்டம் தான் – ஆனா வொர்த்! அப்படி ஒரு இயற்கை அழகுகுங்க
2015: ரசிகர்களின் தூக்கத்தைக் கெடுத்த 'டாப் 5' கனவுக் கன்னிகள்
சென்னை: இந்த 2015 ம் ஆண்டு நடிகர்களுக்கு ஏமாற்றத்தைத் தந்தாலும் நடிகைகளுக்கு நல்லதொரு ஆண்டாகவே அமைந்திருக்கிறது.
அந்த வகையில் தங்களின் நடிப்பாலும், கவர்ச்சியாலும் ரசிகர்களைக் கவர்ந்த டாப் 5 கனவுக்கன்னிகள் யார் என்பதை பற்றி இங்கே பார்க்கலாம்.
அதிகப் படங்கள், வெற்றி இவற்றுடன் ரசிகர்கள் அளித்த வாக்குகளின் அடிப்படையிலேயே இந்த பட்டியல் வகைபடுத்தப் பட்டிருக்கிறது.
லட்சுமி மேனன்
நடிகை லட்சுமி மேனன் இந்தப் பட்டியலில் பிடித்திருக்கும் இடம் 5. கொம்பன், வேதாளம் என்று இவர் நடித்த 2 படங்களுமே இந்த வருடத்தின் வெற்றிப் படங்களாக மாறியிருக்கிறது. கொம்பனில் இளம் மனைவியாக நடித்தவர், வேதாளத்தில் அஜீத்தின் அன்புத் தங்கையாக நடித்து அசத்தினார்.வரும் ஆண்டிலும் மிருதன், ஜெமினி கணேசன், சிப்பாய் என்று அடுத்தடுத்த படங்களில் அம்மணி ரொம்ப பிஸி!
ஹன்சிகா
ஹன்சிகாவிற்கு ரசிகர்கள் அளித்திருக்கும் இடம் 4. ஆம்பள, ரோமியோ ஜூலியட், வாலு மற்றும் புலி ஆகிய படங்கள் ஹன்சிகாவின் நடிப்பில் வெளியாகின.இதில் ரோமியோ ஜூலியட் இந்த வருடத்தின் ஹிட் படங்களில் ஒன்றாக மாறியது. ஆம்பள, வாலு படங்கள் சுமாராக ஓடின. புலி குறித்து சொல்லித் தெரிய வேண்டியதில்லை என்பதால் அதனை விட்டுவிடலாம். மொத்தத்தில் ஆஹா ஓஹோ என்று இல்லாவிட்டாலும் இந்த பட்டியலில் பிற நடிகைகளைத் தாண்டி ஹன்சிகா 4 வது இடத்தைப் பிடித்திருப்பது குறிப்பிடத்தக்கது.
ஸ்ரீதிவ்யா
வருத்தப்படாத வாலிபர் சங்கத் தலைவி ஸ்ரீதிவ்யா இந்தப் பட்டியலில் பிடித்திருக்கும் இடம் 3. இந்த வருடம் காக்கிச்சட்டை, ஈட்டி என்று 2 படங்கள் இவரின் நடிப்பில் வெளியாகி இருக்கின்றன. காக்கிச்சட்டை வெற்றியும் இல்லாத தோல்வியும் இல்லாத ஒரு படமாக மாற, ஈட்டி ஹிட் படமாக மாறி ஸ்ரீதிவ்யாவை மகிழ்ச்சியில் ஆழ்த்தி இருக்கிறது.
அனுஷ்கா
பாகுபலி, ருத்ரமாதேவி போன்ற படங்களில் ராணியாக நடித்து அசத்திய அனுஷ்கா இந்தப் பட்டியலில் பிடித்திருக்கும் இடம் 2. என்னை அறிந்தால், பாகுபலி, ருத்ரமாதேவி, இஞ்சி இடுப்பழகி ஆகிய படங்கள் இவரின் நடிப்பில் வெளியாகின. இதில் பாகுபலி வசூலில் பின்னியெடுக்க, ருத்ரமாதேவி மற்றும் இஞ்சி இடுப்பழகி போன்ற படங்கள் இவரின் நடிப்புத் திறமைக்கு சான்றாக அமைந்தன. வயதானாலும் அனுஷ்காவின் நடிப்பும், அழகும் ரசிகர்களை வசீகரித்ததில் அடுத்தடுத்து பாகுபலி 2, சிங்கம் 3 என்று இன்னும் இளம் ஹீரோயின்களுக்கு போட்டியாளராகவே இருந்து வருகிறார் அனுஷ்கா.
நயன்தாரா
ரசிகர்களின் அதிகமான வோட்டுகளைப் பெற்று இந்த 2015 ன் கனவுக்கன்னி என்ற பட்டத்தைத் தட்டிச் செல்கிறார் நயன்தாரா. வரிசையாக 3 படங்கள் ஹிட்டடித்ததில் ஹாட்ரிக் நாயகி,தென்னிந்தியாவின் லேடி சூப்பர் ஸ்டார் போன்ற பட்டங்களை பெற்று தமிழ் சினிமாவின் நம்பர் ஒன் நாயகி என்ற இடத்தைப் பிடித்திருக்கிறார். 2016லும் வரிசையாக படங்கள் இருப்பதால் வரும் ஆண்டிலும் நயன்தாராவின் ஆளுமை தமிழ் சினிமாவில் அதிகம் இருக்கும் என்று எதிர்பார்க்கப்படுகிறது.