Click it and Unblock the Notifications
நெல்லையை முற்றுகையிடும் நடிகர், நடிகைகள்
இந்தியாவில் அரசியலுக்கும், சினிமாவுக்கும் பிரிக்க முடியாத பந்தம் உருவாகியுள்ளது. அது தமிழகத்தில் இன்னும் கொஞ்சம் கெட்டியாக இருக்கிறது.
இந்நிலையில் அதிமுகவின் செல்வாக்கு பெற்ற தொகுதிகளில் ஒன்றான நெல்லைக்கு சினிமா நட்சத்திரங்கள் அக்கட்சியை ஆதரித்து பிரசாரம் செய்ய படையெடுக்க துவங்கியுள்ளனர்.
அதிமுக வேட்பாளர் அண்ணாமலையை ஆதரித்து பாளையில் இன்று மதிமுக பொது செயலாளர் வைகோ பேசுகிறார். நாளை முன்னாள் அமைச்சர் முத்துசாமியும், 28ம் தேதி முன்னாள் அமைச்சர் பா,கிருஷ்ணனும், அதிமுக வேட்பாளர் அண்ணாமலைக்கு ஆதரவாக தேர்தல் பிரச்சாரம் செய்கின்றனர்.
வரும் 30ம் தேதி நடிகை விந்தியாவும், மே 2ம் தேதி லியகத் அலிகான், நடிகர் குண்டு கல்யாணம், நடிகர்கள் ஜெயகோவிந்தன், ஜெயசூர்யகாந்த் ஆகியோர் பேசுகின்றனர்.
மே 5ல் ராமராஜன் பிரசாரம்...
வரும் 3ம் தேதி இந்திய கம்யூனிஸ்ட் தலைவர் நல்லகண்ணு, 4ம் தேதி நடிகர் எஸ்எஸ் சந்திரன், 5ம் தேதி நடிகர் ராமராஜன், 6ம் தேதி நடிகை டிஆர் சரஸ்வதி, நடிகர் ராஜேந்திரன், 7ம் தேதி பழ.கருப்பையா ஆகியோர் பிரசாரம் செய்கின்றனர்.
வேட்பாளர் அண்ணாமலை ஒவ்வொரு சட்டசபை தொகுதியிலும் 2 நாட்கள் பிரச்சாரம் செய்கிறார். முக்கிய பிரமுகர்களையும் சந்தித்து ஆதரவு திரட்டுகிறார்.
Continue with Google