முகப்பு

செய்திகள்

கருணாநிதி குடும்பத்திலிருந்து சினிமாவுக்கு வந்தவர்களில், குறைந்த காலத்தில் நல்ல பெயரைச் சம்பாதித்தவர் உதயநிதி ஸ்டாலின்.

ஒரு பெரிய அரசியல் தலைவரின் வாரிசு என்ற நினைப்பை ஓரங்கட்டிவிட்டு, இவர் சினிமாவில் செய்துவரும் பணிகள் இவரை தனித்து அடையாளம் காட்டுகிறது. அரசியலுக்கு அப்பாற்பட்டு அனைவரையும் சகஜமாக பழக வைக்கிறது.

இப்போது ஒரு புதிய முடிவை எடுத்துள்ளார் உதயநிதி. இனி பெரிய நட்சத்திரங்கள், பெரிய பட்ஜெட் படங்கள் மட்டுமின்றி, சின்ன பட்ஜெட்டில் புதுமுகங்களை வைத்து தயாராகும் படங்களுக்கும் ஆதரவளிப்பது என முடிவு செய்துள்ளாராம் உதயநிதி.

சூர்யா நடிக்கும் ஏழாம் அறிவுக்குப் பிறகு இவரது அடுத்த தயாரிப்பு, 'தென்மேற்கு பருவக்காற்று' படம் தந்த சீனு ராமசாமியின் அடுத்த படம்தானாம்.

சீனு ராமசாமி கூறிய கதைகளில் ஒன்றை படமாக எடுக்க சம்மதித்துள்ள உதயநிதி, அதில் முற்றிலும் புதுமுகங்களை நடிக்க வைக்கவும் சம்மதம் தெரிவித்துள்ளாராம்.