Don't Miss!
- News வேலையில்லா பிரச்சினைக்கு அரசு என்ன செய்ய முடியும்.. அதிர வைத்த மத்திய தலைமை பொருளாதார ஆலோசகர்
- Technology வெளுத்துக்கட்டுது சேல்.. ரூ.21,000 போதும்.. SONY கேமரா.. AMOLED டிஸ்பிளே.. 67W சார்ஜிங்.. எந்த மாடல்?
- Automobiles மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- Sports SRH vs GT : பல்தான்ஸ்.. நமக்கு இவ்வளவு பெரிய சோதனை வந்தது ஏன்? ஓய்வறையில் ஓபனாக பேசிய ஹர்திக்!
- Finance தங்கம் விலை மீண்டும் உயர்வு.. இனி இதுதான் நிரந்தரமா? சாமானிய மக்களால் தங்கத்தை வாங்கவே முடியாதா..?
- Lifestyle ஹிட்லரின் ஆட்சியில் செய்யப்பட்ட மகத்தான சாதனைகள்... ஹிட்லருக்கே தெரியாம இவ்வளவு நல்லது பண்ணிருக்காரா?
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
- Travel புதுச்சேரியில இப்படி ஒரு விஷயமா – ஒரே படகு சவாரியில 8 விதமான கடற்கரைகளுக்கு க்ரூஸ் சுற்றுலா!
'அன்புள்ள ரஜினிகாந்துக்கு ஹேப்பி பர்த்டே'... 'தேங்க்யூ கண்ணுங்களா!'
விமானப் பயணத்தின் போது, தன்னுடன் பயணித்த 30 குழந்தைகளுடன் புகைப்படம் எடுத்துக் கொண்டு, அவர்களுக்கு அறிவுரை கூறி அனுப்பினார் நடிகர் ரஜினிகாந்த்.
கும்பகோணத்தை அடுத்த அம்மாசமுத்திரத்தில் உள்ள ஒரு தனியார் பள்ளியில் 6-ம் வகுப்பு படிக்கும் மாணவ மாணவிகள் நேற்று முன்தினம் பெங்களூருக்கு விமானத்தில் சுற்றுலா சென்றனர்.
அறிவியல் கண்காட்சியைப் சுற்றிப் பார்க்க அந்தப் பள்ளி இந்த விமானப் பயணத்துக்கு ஏற்பாடு செய்திருந்தது. கிராமத்துக் குழந்தைகள் என்பதால் அவர்களுக்கு இது முதல் விமானப் பயண அனுபவம்.
ஹை சூப்பர் ஸ்டார்
விமானத்தில் ஏறிய பிறகுதான், அதில் நடிகர் ரஜினிகாந்தும் பயணிப்பதை குழந்தைகள் அறிந்தனர். அவரைப் பார்த்ததும், "ஹை... சூப்பர் ஸ்டார்... சூப்பர் ஸ்டார்," என குதூகலித்தனர். ரஜினியும் குழந்தைகளின் மகிழ்ச்சியைப் பார்த்து புன்னகைத்தார்.
நலம் விசாரித்தார்
அவர்கள் அனைவரும் ஓடிவந்து ரஜினியைச் சூழ்ந்து கொள்ள, அவரும் குழந்தைகளை ஒவ்வொருவராக அழைத்து, பெயர், படிக்கும் வகுப்பு, எப்படிப் படிக்கிறார்கள் என விசாரித்தார்.
ஹேப்பி பர்த்டே
குழந்தைகள் அனைவரும் விமானத்திலேயே ரஜினிக்கு பிறந்த நாள் வாழ்த்துக் கூறினர். 'அன்புள்ள ரஜினிகாந்துக்கு ஹேப்பி பர்த்டே' என்று ஒருமித்த குரலில் குழந்தைகள் வாழ்த்த, அதை வணங்கி ஏற்றுக் கொண்டு, "தேங்க்யூ கண்ணுங்களா!" என்றார் ரஜினி.
காத்திருந்த ரஜினி
பின்னர் விமானத்திலிருந்து இறங்கியதும், அனைத்து குழந்தைகளும் வெளியில் வரும் வரை காத்திருப்போர் அறையில் காத்திருந்தார் ரஜினி. அனைத்துக் குழந்தைகளுடனும், ஆசிரியர்களுடனும் புகைப்படம் எடுத்துக் கொண்டார் ரஜினி.
நல்லா படிங்க
"நல்லா படிங்க. கவனத்தைச் சிதற விடாதீங்க. சிறந்த மாணவர்களாக நீங்க வரணம். பெற்றோரையும் பெரியோரையும் தாய் நாட்டையும் மதிச்சு நடங்க. ஆல்தி பெஸ்ட்," என்று மாணவர்களுக்கு அறிவுரை கூறி வழியனுப்பி வைத்தார் ரஜினி.
மகிழ்ச்சி
ஊர் திரும்பியதும் ரஜினியுடன் தாங்கள் புகைப்படம் எடுத்துக் கொண்டதையும் அவருடன் பேசியதையும் அனைவருடனும் மகிழ்ச்சியோடு பகிர்ந்து கொண்டனர் அந்த சிறுவர்கள்.