Don't Miss!
- News பாஜக - விசிகவினர் இடையே அடிதடி.. 2 நிர்வாகிகளின் மண்டை உடைப்பு.. அரியலூரில் பதற்றம் - போலீஸ் குவிப்பு
- Lifestyle World Liver Day 2024: இந்த பழக்கங்கள் இருந்தா உடனே கைவிடுங்க.. இல்லன்னா கல்லீரல் சீக்கிரம் செயலிழந்துவிடும்..
- Technology ஏப்.22-24.. அடுத்த வாரம் அமோக வாரம்.. விற்பனைக்கு வரும் 3 புது 5G போன்கள்.. எல்லாமே ரூ.15,000.. எதை வாங்கலாம்?
- Sports ஹர்திக் பாண்டியாவுக்கு அடுத்த அடி.. கடும் அதிருப்தியில் மும்பை இந்தியன்ஸ் அணியின் அனுபவ வீரர்
- Automobiles ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
- Finance விப்ரோ லாபத்தில் 8% வீழ்ச்சி.. ஷாக் கொடுத்த மார்ச் காலாண்டு முடிவுகள்..!!
- Travel இங்க போறது கொஞ்ச கஷ்டம் தான் – ஆனா வொர்த்! அப்படி ஒரு இயற்கை அழகுகுங்க
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
லோகேஷ் மட்டுமில்ல.. மாஸ்டர் படத்துக்கு எத்தனை இயக்குநர்கள் வொர்க் பண்ணியிருக்காங்க தெரியுமா?
சென்னை: ஊரே ஒரே மாஸ்டர் பத்திய பேச்சாத்தான் இருக்கு. இன்னைக்கு சாயங்காலம் நடக்கப் போகுற மாஸ்டர் ஆடியோ லாஞ்சுக்குத்தான் அனைவரும் வெயிட்டிங்.
மாஸ்டர் வெளியீட்டு விழாவில் தளபதி விஜய் என்ன பேசப் போகிறார் என்பதை கேட்கவே பலரும் ஆவலோடு இருக்கின்றனர்.
மாநகரம், கைதி படங்களை இயக்கிய லோகேஷ் கனகராஜ் இயக்கத்தில் உருவாகி உள்ள மாஸ்டர் படத்தில், வேறு சில இயக்குநர்களும் தளபதி விஜய்க்காக என்ன என்ன வேலை செஞ்சிருக்காங்கன்னு இப்போ பார்க்கலாம்.
லோகேஷ் கனகராஜ்
மாஸ்டர் படம் குறித்து வரும் ஒவ்வொரு அப்டேட்டுக்கும், இந்த மனுஷனைத்தான் பாராட்ட வேண்டும். தளபதி ரசிகர்களின் வேவ் லெந்தை அவ்வளவு கச்சிதமாக பிடித்து, அடுத்த அடுத்த சர்ப்ரைஸ்களை இறக்கி வருகிறார். தளபதி விஜய்யை ரசிச்சு ரசிச்சு ஒவ்வொரு பிரேமிலும் செதுக்கி உள்ளார் என்பது, லிரிக் வீடியோவில் வரும் புகைப்படங்கள் மூலமாகவே வெளிச்சப்படுகிறது.
ஆடை இயக்குநர்
மேயாத மான் படத்தின் மூலம் இயக்குநராக அறிமுகமான ரத்னகுமார், அமலா பால் நடிப்பில் ஆடை எனும் படத்தை இயக்கி, இந்திய திரையுலகையே திரும்பி பார்க்க வைத்துள்ளார். இவர் நினைத்திருந்தால், தனியாகவே அடுத்த ஒரு பெரிய நடிகரை வைத்து படம் இயக்கி இருக்கலாம். ஆனால், தளபதிக்கு ஒரு படம் பண்ணலாம், திரைக்கதையில் வொர்க் பண்ண வறியா என லோகேஷ் அழைத்ததும், உடனே ஓகே சொல்லி தீயாய் வேலை செய்து வருகிறார்.
கனா இயக்குநர்
ராஜா ராணி, மான் கராத்தே படங்களில் காமெடி நடிகராக வலம் வந்த அருண்ராஜா காமராஜ், கபாலியில் ரஜினிக்கு நெருப்புடா பாடலை எழுதி, பாடி தன்னுடைய திறமையை தமிழ் சினிமாவுக்கு காட்டியவர். அதைவிட ஒரு படி மேலே சென்று, சிவகார்த்திகேயன் தயாரிப்பில் வெளியான கனா படம் மூலமாக நிஜமாகவே சிக்ஸர் அடித்த அருண்ராஜா, குட்டி ஸ்டோரி பாடலுக்கு எழுதியுள்ள வரிகள் மாஸ்டர் படத்திற்கு மிகப்பெரிய பலமாக இருக்கிறது.
லவ்வர் பாய்
போடா போடி, நானும் ரவுடி தான், தானா சேர்ந்த கூட்டம், இப்போ காத்து வாக்குல ரெண்டு காதல் படம் என படுபிசியாக இருக்கும் விக்னேஷ் சிவன், மாஸ்டர் படத்தில் இடம்பெற்றுள்ள இரண்டு பாடல்களை எழுதியுள்ளார். தளபதி விஜய், மாளவிகா மோகனன் ரொமான்ஸ் செய்யும் அந்த கண்ண பார்த்தாக்கா பாடலை எழுதியுள்ளார். மேலும், க்விட் பண்ணுடா என்ற பாடலையும் விக்னேஷ் சிவன் எழுதியுள்ளார்.
எல்லாம் யாருக்காக
லோகேஷ் கனகராஜ், ரத்னகுமார், அருண் ராஜா காமராஜ், விக்னேஷ் சிவன் என மொத்தம் 4 இயக்குநர்கள், அனிருத் இசையமைப்பில் உருவாகி உள்ள மாஸ்டர் ஆல்பத்தில், யுவன் சங்கர் ராஜா, சந்தோஷ் நாராயணன் உள்பட மூன்று இசையமைப்பாளர்கள் என இத்தனை பேரும் தளபதி விஜய்க்காக ஈகோ இல்லாமல் வொர்க் பண்ணியிருப்பது கோலிவுட் ரசிகர்களை ஆச்சர்யத்தில் ஆழ்த்தியுள்ளது.