தியேட்டர்களை தெறிக்க விட்ட தெறி.. ரிலீசாகி இன்றுடன் 4 வருஷம் ஆகுது.. கொண்டாடும் ரசிகர்கள்!

தெறிக்கவிட்ட தெறி

தளபதி விஜய்யை செம ஸ்டைலான போலீஸ் அதிகாரி விஜய்குமாராக இயக்குநர் அட்லி தெறி படத்தில் அழகாக காண்பித்து இருப்பார். தெறி படத்தின் கதைக்களம் ஏற்கனவே வந்த படங்களின் சாயல்களில் இருந்ததாக விமர்சனங்கள் எழுந்த நிலையிலும், பாக்ஸ் ஆஃபிஸில் மிகப்பெரிய வசூல் சாதனையை தெறி படைத்தது.

விஜய் ரசிகன்

இயக்குநர் அட்லி தான் ஒரு அதி தீவிர விஜய் ரசிகன் என்பதை தெறி படத்தில் ஒவ்வொரு ஃபிரேமிலும் நடிகர் விஜய்யை மாஸாக காட்டி நிரூபித்து இருப்பார். அந்த ரசிகத் தன்மை தான் தெறி படத்தைத் தொடர்ந்து, மெர்சல், பிகில் என மூன்று பிளாக்பஸ்டர் படங்களை விஜய் - அட்லி கூட்டணியில் வெளிக் கொண்டு வந்தது.

எங்க அண்ணன்

தெறி படம் வெளியான நிலையில், 100 நாட்கள் தொடர்ந்து ஒவ்வொரு தியேட்டருக்கும் சென்று, ரசிகர்களுடன் தெறி வெற்றியை கொண்டாடி மகிழ்ந்த இயக்குநர் அட்லி, விஜய் படம் தொடர்பான நிகழ்ச்சியில், எங்க அண்ணன் விஜய் என்று காலரை தூக்கி விட்டு கெத்தாக பேசி வருகிறார்.

டிரிபிள் ட்ரீட்

கொரோனா கலவரத்திலும் விஜய் ரசிகர்கள் இந்த தமிழ்ப் புத்தாண்டை கோலாகலமாக கொண்டாட 3 முக்கிய காரணங்கள் இருக்கின்றன. நடிகர் விஜய்யின் மனைவி சங்கீதா விஜய் பிறந்த நாள், தெறி படம் ரிலீசாகி 4 வருஷம், சச்சின் படம் ரிலீசாகி 15 வருஷம் என டிரிபிள் கொண்டாட்டத்தை விஜய் ரசிகர்கள் கொண்டாடி வருகின்றனர்.

மிஸ்ஸிங்

கொரோனா வைரஸ் பரவாமல் இருந்திருந்தால், இந்நேரம் மாஸ்டர் ரிலீஸை தியேட்டர்களில் திருவிழாவைப் போல தளபதி ரசிகர்கள் கொண்டாடி இருப்பார்கள். ஆனால், மாஸ்டர் படத்தின் ரிலீஸ் தள்ளிப் போயுள்ளதால், அந்த கொண்டாட்டத்தை மட்டும் விஜய் ரசிகர்கள் ரொம்பவே மிஸ் பண்ணி உள்ளனர்.