5 இயக்குநர்கள் இயக்கிய புத்தம் புது காலை எப்படி இருக்கு.. எந்த கதை சூப்பர்? ட்விட்டர் விமர்சனம்!

நேச்சுரலா இல்லை

சுஹாசினி மணிரத்னம் இயக்கத்தில் உருவாகி உள்ள Coffee, Anyone? கதை ரொம்ப நேச்சுலாக இல்லை என்றும், மணிரத்னம் மாதிரி இயக்க முயற்சி செய்துள்ளதை பாராட்டலாம். அனு ஹாசன் நடிப்பில் அசத்துகிறார். சுருதி போர்ஷன் சொதப்பல் என கலவையான விமர்சனத்தை கொடுத்துள்ளார் இந்த நெட்டிசன்.

ராஜீவ் மேனன் கதை ஓகே

ராஜீவ் மேனன் இயக்கத்தில் உருவாகி உள்ள ரீயூனியன் ஓகே ரகம் மட்டுமே சூப்பர் என்று சொல்ல முடியாது என்கிற கருத்துக்கள் பரவலாக உள்ளன. சிலர், ராஜீவ் மேனன் இயக்கம் ரொம்ப சொதப்பல் என்றும் கழுவி ஊற்றி வருகின்றனர். ஆண்ட்ரியாவின் சீன்கள் எல்லாம் பார்க்கும் ரகம் என்றே கமெண்ட்டுகள் குவிகின்றன.

கெளதம் மேனன் கலக்கல்

கண்ணும் கண்ணும் கொள்ளையடித்தால் படத்தில் நடித்த ரிது வர்மா மற்றும் எம்.எஸ். பாஸ்கர் இணைந்து கெளதம் மேனன் இயக்கத்தில் நடித்துள்ள அவளும் நானும் கதை பார்க்க ரொம்ப சூப்பராக உள்ளது என்றும், ரொமான்ட்டிக் இயக்குநர் இந்த முறை வேறு ஒரு கதை தளத்தில் சும்மா புகுந்து விளையாடி இருக்கிறார் என்கிற விமர்சனங்கள் எழுந்துள்ளன.

இளமை இதோ

சூரரைப் போற்று படத்திற்கு முன்னதாக இயக்குநர் சுதா கொங்கராவின் இயக்கத்தில் புத்தம் புது காலை ஒரிஜினலின் இளமை இதோ போர்ஷன் ரசிகர்களை ரசிக்க வைத்துள்ளது. ஜெயராம், காளிதாஸ், ஊர்வசி, கல்யாணி பிரியதர்ஷன் கலக்கலாக நடித்து கைதட்டல்களை அள்ளி உள்ளனர் என்றும், ஒரிஜினாலிட்டி எங்கேயோ மிஸ் ஆகுது என்றும் கமெண்ட்டுகள் வந்து விழுந்துள்ளன.

கொரோனா, ஓசி புளியோதரை

கார்த்திக் சுப்புராஜ் இயக்கத்தில், அவரது ஆஸ்த்தான நடிகரான பாபி சிம்ஹா நடிப்பில் வெளியாகி உள்ள மிராக்கிள் படத்தில் மிராக்கிள் நடந்ததா? இல்லையா? என்கிற ரீதியில் கதை செல்கிறது. கொரோனா, ஓசி புளியோதரை குருஜி என தர லோக்கலில் இறங்கி அடித்தாலும் வொர்த் இல்லையாம் பாஸ்!