இந்த 5 காரணங்களுக்காக தாராளமா தர்பார் படத்தை தியேட்டரில் பார்க்கலாம்!

நயன்தாரா

சந்திரமுகி, சிவாஜி, குசேலன் படங்களுக்கு பிறகு மீண்டும் ரஜினியுடன் நடித்துள்ளார் லேடி சூப்பர்ஸ்டார் நயன்தாரா. கடந்த ஆண்டு நயன்தாரா நடிப்பில் வெளியான விஸ்வாசம் மற்றும் பிகில் திரைப்படங்கள் பிளாக்பஸ்டர் ஹிட்டடித்தன. இந்நிலையில், தர்பார் படத்திலும் தலைவியின் தரிசனத்தை காண ரசிகர்கள் கூட்டம் காத்திருக்கின்றது.

சந்தோஷ் சிவன்

தளபதி படத்திற்கு பிறகு 25 ஆண்டுகள் கழித்து மீண்டும் தனது ஒளிப்பதிவால் சூப்பர்ஸ்டாரை வேற லெவலில் காட்டியுள்ளார் சந்தோஷ் சிவன். துப்பாக்கி படத்திற்கு பிறகு ஏ.ஆர். முருகதாஸுடன் இணைந்துள்ள சந்தோஷ் சிவன், தர்பார் படத்தில் வேற லெவல் கேமரா ஒர்க் செய்திருக்கிறார் என்பதை டீசர் மற்றும் புரொமோ வீடியோக்களே சாட்சியாக நிற்கின்றன.

ஏ.ஆர். முருகதாஸ்

கடந்த 2018ம் ஆண்டு தளபதி விஜய்க்கு சர்கார் அமைத்து கொடுத்த ஏ.ஆர். முருகதாஸ், சூப்பர்ஸ்டார் ரஜினிக்கு வேற லெவல் தர்பார் அமைத்து கொடுக்க உள்ளார் என்பது உறுதியாக தெரிகிறது. ரஜினிகாந்தை இயக்க வேண்டும் என்ற நீண்ட நாள் கனவு தர்பார் படத்தின் மூலமாக முருகதாஸுக்கு நிறைவேறியுள்ளதால், நிச்சயம் ரசிகர்களை ஏமாற்ற மாட்டார் என எதிர்பார்க்கப்படுகிறது.

காப் ஸ்டோரி

டானாக நடித்து அசத்தி வந்த சூப்பர்ஸ்டார் 25 ஆண்டுகளுக்குப் பிறகு மீண்டும் போலீஸ் அதிகாரியாக ஆதித்ய அருணாச்சலம் கதாபாத்திரத்தில் மிரட்டவுள்ளார். மூன்று முகம் படத்திற்கு பிறகு மீண்டும் ஒரு கெத்தான போலீஸ் படமாக ரஜினிக்கு தர்பார் அமையும் என தெரிகிறது.

சூப்பர்ஸ்டார்

இந்த ஒரு வார்த்தையே போதும், தமிழ் சினிமா ரசிகர்களுக்கு முதல் நாளில் மேக்ஸிமம் கியாரண்டியுடன் தியேட்டருக்கு சென்று படம் பார்க்க, மேலும், இந்த படத்தில் ரஜினிகாந்தின் எனர்ஜி வேற லெவலில் சும்மா கிழித்துள்ளார். மாஸ், ஸ்டைல், பஞ்ச் டயலாக், ஸ்டன்ட் என எல்லா விஷயத்திலும் இந்த முறை ரவுண்டு கட்டி ரஜினி அடிக்கவுள்ளதால் நிச்சயம் தர்பார் படம் இந்த பொங்கலுக்கு செம்ம கலெக்‌ஷனை அள்ளும் என கணிக்கப்படுகிறது.