தேசிய திரைப்பட விருதுகள் 2022:: தேசிய விருதுகளை வாங்கிக் குவித்த சூர்யாவின் சூரரைப்போற்று திரைப்படம்!

பொருத்தமான தலைப்பு

படத்தின் கதைக்குப் பொருத்தமான தலைப்பு, பொருத்தமான நடிகர்கள், இயல்பான கதைக்களம் என ஆரம்பத்திலேயே ஒரு படத்தைப் பார்க்கிறோம் என்ற உணர்வு ஏற்படாமல் நெடுமாறன் ராஜாங்கம் என்ற துடிப்பான இளைஞனின் வாழ்க்கைப் போராட்டத்தைப் பார்க்கிறோம் என்ற உணர்வே படத்தை பார்க்கும் போது ஏற்பட்டது.

ஜெயிச்சிட்டோம் மாறா

இந்த அளவிற்கு உணர்ச்சி பொங்க நடித்திருக்கும் சூர்யாவின் கதாபாத்திரத்தில் வேறு யாரையும் நினைத்துப் பார்க்க முடியாத அளவிற்கு மாறன் கதாபாத்திரத்தில் தன்னை அப்படியே புகுத்தி நடித்திருந்தார் சூர்யா. தன்னால் செய்து முடிக்க முடியும் என்ற கர்வம், எதையும் எதிர்த்து நிற்கும் துணிச்சல், எந்த சந்தர்ப்பத்திலும் பின்வாங்காத விடாமுயற்சி என அவரது கண்கள் முதல் கால்கள் வரை மாறன் கதாபாத்திரமாக நடித்திருந்தார்.

சிறந்த நடிகர்

பல்வேறு விருதுகளை குவித்த சூரரைப்போற்று திரைப்படம் இன்று மூன்று தேசியவிருதுகளை தட்டித்தூக்கி உள்ளது. இப்படத்தில் மாறனாக நடித்த நடிகர் சூர்யாவுக்கு சிறந்த நடிகருக்கான தேசிய விருது அறிவிக்கப்பட்டுள்ளது. மேலும், சூரரைப் போற்று படத்தின் பின்னனி இசைக்காக சிறந்த இசை அமைப்பாளர் விருதினை ஜி.வி. பிரகாஷ்குமாருக்கு அறிவிக்கப்பட்டுள்ளது.

Recommended Video

பாலா இயக்கத்தில் சூர்யா நடிக்கும் வணங்கான் | ஜெயமோகனின் கதை? *Entertainment

4 விருதுகள்

தமிழில் சிறந்த நடிகைக்கான விருது அபர்ணா பாலமுரளிக்கு வழங்கப்பட்டுள்ளது. சூரரைப் போற்று திரைப்படத்தில் 'பொம்மி' கதாப்பாத்திரத்திரத்தில் நடித்ததற்காக அபர்ணா பாலமுரளிக்கு இவ்விருந்து வழங்கப்பட்டுள்ளது. சிறந்த திரைக்கதை, சிறந்த நடிகர், சிறந்த நடிகை மற்றும் சிறந்த இசையமைப்பாளர் ஆகிய பிரிவுகளில் இந்தப் படம் 4 விருதுகளை குவித்துள்ளது.