விஷாலின் மதகஜராஜாவுக்கு 800 பிரிண்டுகள்!

சுந்தர் சி இயக்கத்தில் விஷால் நடித்துள்ள மதகஜராஜா படத்துக்கு 800 பிரிண்டுகள் வரை போட்டுள்ளனர்.

'தீயா வேலை செய்யனும் குமாரு' படத்துக்கு முன்பே தொடர்ந்து சுந்தர் சி. இயக்கிய படம் 'மத கஜ ராஜா'. இதில் விஷால், வரலட்சுமி, அஞ்சலி நடித்துள்ளனர்.

விஜய் ஆண்டனி இந்தப் படத்துக்கு இசை அமைத்துள்ளார். நீண்ட நாளுக்குப் பிறகு சதாவும் இதில் தோன்றியுள்ளார். ஜெமினி நிறுவனம் தயாரித்த இந்தப் படத்தை விஷால் சொந்தமாக வாங்கி வினியோகம் செய்கிறார்.

இப்படம் வரும் வெள்ளிக்கிழமை திரைக்கு வருகிறது. இதற்காக 800-க்கும் மேற்பட்ட பிரிண்டுகள் போடப்பட்டுள்ளன. இந்தப் படம் வெளியாகும் தியேட்டர்களில் சுசீந்திரன் இயக்கத்தில் விஷால் நடிக்கும் அடுத்த படமான பாண்டிய நாடு டீஸரையும் வெளியிட திட்டமிட்டுள்ளனர்.

பாண்டிய நாடும் விஷாலின் சொந்தப் படம்தான் என்பது குறிப்பிடத்தக்கது.