84 வயதில் காலமான பாரதிராஜா.. 87 வயது கவுண்டமணி இப்படி துடிச்சி போயிட்டாரே.. என்ன சொன்னாரு தெரியுமா?

சென்னை: இயக்குநர் இமயம் பாரதிராஜா இன்று காலை உடல்நலக்குறைவால் போராடி வந்த நிலையில், வீட்டில் இருந்து அளிக்கப்பட்ட சிகிச்சை பலனின்றி உயிரிழந்தார். அவருக்கு வயது 84. அடுத்த மாதம் ஜூலை 17ம் தேதி வந்தால் 85வது பிறந்தநாளை கொண்டாடியிருப்பார் இந்த அல்லிநகரத்து ராஜா.

பாரதிராஜாவின் 16 வயதினிலே உள்ளிட்ட பல படங்களில் நடித்த காமெடி ஜாம்பவான் கவுண்டமணி பாரதிராஜாவின் மறைவு செய்தி அறிந்து அதிர்ச்சியடைந்து இரங்கல் தெரிவித்துள்ளார்.

"பதினாறு வயதினிலே படம் தொடங்கி பாரதிராஜா இயக்கிய பல படங்களில் நான் நடித்துள்ளேன். 16 வயதினிலே படத்தில் எனக்கு முகவரி கொடுத்தவர் பாரதிராஜா. அவர் மாபெரும் கலைஞர் அவர் மறைவிற்கு ஆழ்ந்த இரங்கல்கள்" என கவுண்டமணி இரங்கல் தெரிவித்துள்ளார்.

கவுண்டமணி இரங்கல்: பாரதிராஜாவின் அறிமுக படமான 16 வயதினிலே படத்தில் ரஜினிகாந்த், கமல்ஹாசன், ஸ்ரீதேவியுடன் சேர்ந்து கவுண்டமணியும் நடித்திருந்தார். தொடர்ந்து பாரதிராஜா இயக்கத்தில் வெளியான கிழக்கே போகும் ரயில், சிகப்பு ரோஜாக்கள் என பல படங்களில் கவுண்டமணி நடித்துள்ளார்.

கடந்த ஆண்டு மனோஜ் பாரதிராஜா மறைவுக்கும் நேரில் வந்து அஞ்சலி செலுத்தினார் கவுண்டமணி. அவருடன் இணைந்து சமுத்திரம் படத்தில் நடித்ததையும் ரசிகர்கள் அவ்வளவு எளிதில் மறந்திருக்கமாட்டார்கள். கவுண்டமணி, செந்தில் உள்ளிட்ட பிரபலங்கள் மனோஜ் பாரதிராஜா உடலுக்கு அஞ்சலி செலுத்தியபோதே உடைந்து போய்விட்டனர். இந்நிலையில், பாரதிராஜாவின் மறைவு கவுண்டமணியை மேலும், மனதளவில் உடைத்துவிட்டது.

மணிரத்னம் நேரில் அஞ்சலி: முதலமைச்சர் விஜய்யின் நீலாங்கரை வீட்டுக்கு எதிர் வீடு தான் பாரதிராஜா வீடு. இன்று டெல்லி செல்ல உள்ள நிலையிலும் முதல் நபராக பாரதிராஜா மறைவு செய்தி அறிந்ததும் அஞ்சலி செலுத்தியுள்ளார். இயக்குநர் மணிரத்னம் தற்போது பாரதிராஜா இல்லத்துக்கு வந்து நேரில் அஞ்சலி செலுத்தினார். மேலும், பல திரையுலக பிரபலங்களும் பாரதிராஜா வீட்டுக்கு வருகை தந்து அஞ்சலி செலுத்தி வருகின்றனர்.