முருகதாஸ் பத்த வைக்கப் போகும் 'வத்திக்குச்சி'..தம்பிதான் ஹீரோ!

By Sudha

Updated: Thursday, September 6, 2012, 12:09 [IST]

இயக்குநர் ஏ.ஆர்.முருகதாஸின் குடும்பத்திலிருந்து இன்னொருவர் சினிமாவுக்கு வருகிறார். இவர் முருகதாஸின் தம்பி. ஹீரோவாக அறிமுகமாகிறார். முருகதாஸே தனது தம்பியை அறிமுகப்படுத்துகிறார்.

குடும்பத்தில் யாராவது ஒருவர் சினிமாவில் இருந்தால் அவரைத் தொடர்ந்து பலரும் திரைக்கு வருவது புதிய விஷயமல்ல. காலம் காலமாக அது தொன்று தொட்டு இருந்து வரும் ஒரு வழக்கம்தான். அந்த வரிசையில் விஷ்ணுவர்த்தனின் தம்பி கிருஷ்ணா ஹீரோவாக அறிமுகமானார். அதேபோல இப்போது இயக்குநர் ஏ.ஆர்.முருகதாஸின் தம்பியும் ஹீரோவாகிறார்.

ஹீரோவாக அறிமுகப்படுத்தவுள்ளதால் நல்ல பெயராக தம்பிக்குத் தேர்வு செய்து கொண்டிருக்கிறாராம். அதற்கு முன்பு படத்தின் பெயரை தீர்மானித்து விட்டார். அதாவது வத்திக்குச்சி என்று வைத்துள்ளாராம்.

இந்த வத்திக்குச்சியை உங்களுக்கு ஞாபகம் இருக்கிறதா... ஏ.ஆர்.முருகதாஸின் முதல் படமான தீனாவில் அஜீத்துக்காக வைக்கப்பட்ட அட்டகாசமான பாடல்தான் வத்திக்குச்சி பத்திக்காதுடா.. அந்த பாடல் வரியிலிருந்துதான் தலைப்பை உருவியுள்ளார் முருகதாஸ்.

முருகதாஸ் பத்த வைக்கப் போகும் இந்த வத்திக்குச்சி எப்படி எரியப் போகிறது என்பதைப் பொறுத்திருந்து பார்ப்போம்...