முகப்பு

செய்திகள்

சிம்பு - ஹன்சிகா திருமணம் நடக்குமா நடக்காதா என பெட் கட்டும் அளவுக்குப் போய்விட்டது நிலைமை.

இந்த இருவரின் காதலும் அறிவிக்கப்பட்ட கணத்திலிருந்தே கிட்டத்தட்ட இதுதான் நிலைமை.

இப்போது ஹன்சிகாவின் அம்மா வேறு, என் மகளுக்கு திருமணத்தில் இப்போதைக்கு விருப்பமே இல்லை என்று ஸ்டேட்மென்ட் விட்டதால், இந்த திருமண பெட்டிங் சூடுபிடித்துள்ளது.

ஹன்சி கைவசம் இப்போது 7 படங்கள் உள்ளன. அவற்றில் பிரியாணி உள்ளிட்ட இரு படங்கள் மட்டும் கிட்டத்தட்ட முடிந்துவிட்டன. சிம்புவுடன் நடிக்கும் வாலு, வேட்டை மன்னன் படங்கள் வருமா வராதா என்றே தெரியாத நிலை. மேலும் 3 படங்களின் ஷூட்டிங் நடந்து கொண்டுள்ளது.

தவிர, புதிய படங்களுக்கு கதை கேட்பதும், அட்வான்ஸ் வாங்குவதும் தொடர்கிறது. இந்தப் படங்கள் முடிய குறைந்தது 3 ஆண்டுகளாவது ஆகும். அதுவரை இந்தக் காதல் நிலைக்குமா.. அதுவரை இந்தக் காதலை விட்டுவைப்பாரா டாக்டர் மோனா மோத்வானி (ஹன்சிகாவின் மம்மி) என்ற கேள்விகள் தொடர்வதால், இந்த காதல் பெட்டிங்கில், சிம்புவுக்கு வெற்றி கிடைக்காது என்பவர்கள் நம்பிக்கையோடு பணம் கட்டி வருகிறார்களாம்.

சிம்பு காதல் தோற்பதில் இவ்வளவு பேருக்கு சந்தோஷமா!!