பெட்ரோமாஸ் லைட்டே தான் வேணும்... அடம் பிடிக்கும் அமலா பால்.. எல்லாம் ‘ஆடை’யில்லாமல் நடித்த எபெக்ட்!

விருது கனவு:

ஆடை திரைப்படம் தனக்கு நல்ல பெயரை பெற்று தந்திருப்பதாக உணர்கிறார் அமலா பால். மேலும், ஆடை திரைப்படத்திற்கு நிறைய விருதுகள் கிடைக்கும் என அவரிடம் பலரும் கூறி வருகின்றனர். அதனால் விருது வாங்கும் கனவில் மிதந்து வருகிறார் அமலா பால்.

அதிரடி முடிவு:

எனவே தனது அடுத்தப்படங்களை தேர்வு செய்வதில் அதிக கவனம் செலுத்துகிறாராம். சமீபத்தில் சில இயக்குனர்கள் அமலா பாலை சந்தித்து கதை சொல்லியிருக்கின்றனர். ஆனால் எதற்கும் அவர் ஓகே சொல்லவில்லையாம். நடித்தால் நல்ல படத்தில் நடிக்கலாம், இல்லை என்றால் நடிக்கவே வேண்டாம் எனும் முடிவில் அமலா இருப்பதாகக் கூறப்படுகிறது.

நாயகி:

ஆடை படத்தில் ஆடையில்லாமல் துணிச்சலாக நடித்த அமலாபாலைப் பார்த்து இயக்குநர்களும் மிரண்டு தான் போயுள்ளனர். எனவே, நயன்தாரா, ஜோதிகா போன்றோருக்கு உருவாக்குவது போல், நாயகியை மையப்படுத்தும் கதைகளாகத் தேர்வு செய்து அவரை சந்தித்து வருகின்றனராம். ஆனால் அவற்றில் ஒரு கதைகூட அமலாபாலை இதுவரை திருப்தி செய்யவில்லையாம்.

காதலருடன் ஆலோசனை:

அமலா பால் தற்போது பாண்டிச்சேரியில் காதலருடன் வசித்து வருகிறார். ஆடை பட ரிலீஸ் சமயத்தில் அவரே அதனை ஒப்புக்கொண்டிருக்கிறார். எனவே காதலருடன் கலந்தாலோசித்த பிறகே அடுத்தப்படம் குறித்து அவர் முடிவு செய்வார் என தெரிகிறது.

ரசிகர்கள் எதிர்பார்ப்பு:

விஜய் சேதுபதி படம் கைநழுவிப் போன நிலையில், அமலா பாலின் கைவசம் 'அதோ அந்த பறவை போல' திரைப்படம் மட்டுமே உள்ளது. ஆடை படத்தை போல் இந்த படத்தையும் அவர் பெரிதும் நம்பி இருக்கிறார். அதேபோல் அமலா பாலிடம் இருந்து ரசிகர்களும் போல்டான படங்களை எதிர்பார்க்கத் தொடங்கியுள்ளனர் என்பது குறிப்பிடத்தக்கது.