தமன்னா நடித்த ஆகடு தோல்வி: விநியோகஸ்தர் தற்கொலை முயற்சி

தமன்னா, மகேஷ்பாபு நடித்த ஆகடு படம் வசூலில் தோல்வியைத் தழுவியதாகக் கூறி அந்தப் படத்தின் விநியோகஸ்தர் தற்கொலை முயற்சியில் ஈடுபட்டுள்ளார்.

‘ஆகடு' படம் சமீபத்தில்தான் ரிலீசானது. பிற மொழிகளில் இதனை ரீமேக் செய்ய போட்டி போட்டனர்.

இந்த படம் வெற்றிகரமாக ஓடியதாகவும் கோடிக்கணக்கில் வசூல் குவித்ததாகவும் கூறி வந்தனர். ஆனால் விநியோகஸ்தர்கள் தரப்பு இதனை மறுத்துள்ளது.

படம் தோல்வி அடைந்ததாகவும், பெரிய வசூல் என போலியாகக் கணக்கு காட்டுகின்றனர் என்றும் அவர்கள் குற்றம் சாட்டியுள்ளனர்.

நெல்லூர் பகுதியில் எதிர்பார்த்ததைவிட மிகவும் குறைவான தொகையே வசூலானதாம். இதனால் அந்த பகுதி விநியோகஸ்தர் அதிர்ச்சி அடைந்ததாகவும், தூக்கு மாட்டி தற்கொலை முயற்சியில் ஈடுபட்டதாகவும் செய்தி வெளியாகியுள்ளது.

இந்தப் படத்தால் அவருக்கு மட்டும் ரூ 2 கோடி வரை இழப்பு ஏற்பட்டுள்ளதாம்.