துருக்கி அதிபரின் மனைவியை எப்படி சந்திக்கலாம்..? பாலிவுட் ஹீரோ அமீர் கானுக்குத் திடீர் எதிர்ப்பு!

விஜய் சேதுபதி

1994 ஆம் ஆண்டு வெளியான இந்தப் படத்தை இந்தி நடிகர் ஆமிர்கான், லால் சிங் சத்தா என்ற பெயரில் ரீமேக் செய்கிறார். இதில் கரீனா கபூர், விஜய் சேதுபதி, மோனா சிங் உட்பட பலர் நடிக்கின்றனர். அத்வைத் சந்தன் இயக்குகிறார். லாக்டவுனுக்கு முன் டெல்லி, ராஜஸ்தான், சண்டிகர், கேரளா, கொல்கத்தா உள்ளிட்ட பகுதிகளில் இதன் ஷூட்டிங் நடந்துள்ளது.

துருக்கி அதிபர் மனைவி

கொரோனா காரணமாக, இதன் ஷூட்டிங்கை இந்தியாவில் நடத்த வாய்ப்பில்லாததால், படக்குழு இப்போது துருக்கி சென்றுள்ளது. அங்கு இதன் ஷூட்டிங் தொடங்கியுள்ளது. ரசிகர்களுடன் ஆமிர் கான் அங்கு எடுத்துக் கொண்ட புகைப்படங்கள், சமூக வலைதளங்களில் வெளியாகியுள்ளன. இந்நிலையில் மரியாதை நிமித்தமாக, துருக்கி அதிபரின் மனைவி எமினி எர்டோகனை இஸ்தான்புல்லில் நடிகர் ஆமிர்கான் சந்திந்தார்.

எதிர்பார்க்கிறேன்

இதுபற்றி எமினி ட்விட்டரில் பதிவிட்டிருந்தார். இந்தச் சந்திப்பு தொடர்பான புகைப்படங்களையும் அவர் வெளியிட்டிருந்தார். அதில், புகழ்பெற்ற இந்தி நடிகர், இயக்குனர், தயாரிப்பாளர் ஆமிர்கானை இஸ்தான்புல் இல்லத்தில் சந்தித்ததில் மகிழ்ச்சி. அவர் நடிக்கும் லால் சிங் சத்தா பட ஷூட்டிங்கை துருக்கியின் பல்வேறு பகுதிகளில் நடத்த இருப்பதை அறிந்து மகிழ்ந்தேன். அதை ஆவலுடன் எதிர்பார்க்கிறேன்' என்று கூறியிருந்தார்.

என்ன அர்த்தம்?

இதையடுத்து நடிகர் ஆமிர் கானுக்கு சமூக வலைதளங்களில் எதிர்ப்பு கிளம்பியுள்ளது. 'துருக்கி ஐஎஸ்ஐஎஸ் தீவிரவாதத்தை ஆதரிக்கும் நாடு. பாகிஸ்தானுக்கும் நட்பு நாடாக இருக்கிறது. இந்நிலையில் அந்த நாட்டின் அதிபர் மனைவியை ஆமிர்கான் சந்தித்தால் என்ன அர்த்தம்? நடிகர் ஆமிர்கானின் சித்தாந்தம் என்ன?' என்று ஒருவர் கேட்டுள்ளார்.