For Quick Alerts
    ALLOW NOTIFICATIONS  
    For Daily Alerts

    சர்ச்சைகளால் 2வது நாளே பாதியாக சரிந்த அமீர்கான் பட வசூல்...ஏன் என்னாச்சு?

    |

    மும்பை : நடிகர் அமீர்கான், நாக சைதன்யா, கரீனா கபூர் நடித்து வெளிவந்துள்ள படம் லால் சிங் சத்தா. ஆகஸ்ட் 11 ம் தேதி ரிலீசான இந்த படத்தில் டைட்டில் ரோலில் அமீர் கான் நடித்திருந்தார். ப்ரீமியர் ஷோ பார்த்து விட்டே திரை பிரபலங்கள் பலரும் இந்த படத்தை பாராட்டி இருந்தனர்.

    Tom Hanks நடித்த Forrest Gump என்ற படத்தின் ரீமேக் தான் லால் சிங் சத்தா. பல ஆண்டுகளாக போராடி, பல முறை ஒத்திவைக்கப்பட்டு, ஒது வழியாக ஆகஸ்ட் 11 ம் தேதி தான் இந்த படம் ரிலீஸ் செய்யப்பட்டுள்ளது. இந்தியாவின் 100 புகழ்பெற்ற இடங்களில் இந்த படம் படமாக்கப்பட்டது.

    அதிக எதிர்பார்ப்பை ஏற்படுத்திய லால் சிங் சத்தா படமும், அக்ஷய் குமாரின் ரக்ஷா பந்தன் படமும் ஒரே நாளில் ரிலீஸ் செய்யப்பட்டன. இரு படங்களுமே பாலிவுட்டில் அதிகம் எதிர்பார்க்கப்பட்ட படங்களாக இருந்தன.

    படுதோல்வியடைந்த 25 மெகா பட்ஜெட் திரைப்படங்கள்… அதல பாதாளத்தில் தள்ளாடும் பாலிவுட் திரையுலகம்!படுதோல்வியடைந்த 25 மெகா பட்ஜெட் திரைப்படங்கள்… அதல பாதாளத்தில் தள்ளாடும் பாலிவுட் திரையுலகம்!

    3வது பெரிய ஓப்பனிங்

    3வது பெரிய ஓப்பனிங்

    அமீர்கானின் லால் சிங் சத்தா படம் கடந்த 2 நாட்களில் ரூ.19 கோடிகளை வசூல் செய்துள்ளது. சீக்ரெட் சூப்பர்ஸ்டாப் படத்தை இயக்கிய அத்வைத் சந்தன் இயக்கிய லால் சிங் சத்தா முதல் நாளிலேயே 12 கோடிகளை வசூல் செய்தது. இந்த ஆண்டில் பாலிவுட்டில் ரிலீசான படங்களிலியே 3வது பெரிய ஓப்பனிங் கொடுத்த படம் இது தான்.இதனை சோஷியல் மீடியாவிலும் பலரும் கொண்டாடி வந்தனர்.

    2வது நாளே இப்படியா நடக்கனும்

    2வது நாளே இப்படியா நடக்கனும்

    இந்நிலையில் அனைவருக்கும் அதிர்ச்சி அளிக்கும் வகையில் லால் சிங் சத்தா படத்தின் இரண்டாவது கலெக்ஷன் 40 சதவீதம் குறைந்து 6.50 - 7 கோடிகளை மட்டுமே வசூல் செய்துள்ளது. இதற்கு காரணம் படம் பற்றிய கிளம்பிய சர்ச்சைகள் தான் என சொல்லப்படுகிறது.இதனால் பாலிவுட் ரசிகர்கள் ஏமாற்றம் அடைந்துள்ளனர்.

    சர்ச்சையில் சிக்கிய லால் சிங் சத்தா

    சர்ச்சையில் சிக்கிய லால் சிங் சத்தா

    லால் சிங் சத்தா படத்தில் இந்திய ராணுவம் மற்றும் இந்து மத நம்பிக்கைகள் அவமதிக்கப்பட்டுள்ளதாக அமீர்கான் மீது சஞ்சய் அரோரா என்பவர் டில்லி போலீஸ் கமிஷனர் அலுவலகத்தில் புகார் அளித்திருந்தார். இந்த படத்தின் ஒரு காட்சியில் மனநலம் பாதிக்கப்பட்ட ஒருவர் இந்திய ராணுவத்தில் சேர்க்கப்பட்டு, கார்கில் போரில் பங்கேற்க அனுமதிக்கப்பட்டதாக காட்டப்பட்டிருக்கும்.

    அமீர்கானுக்கு எதிராக புகார்

    அமீர்கானுக்கு எதிராக புகார்

    இதை குறிப்பிட்டு, சிறந்த வீரர்கள் மட்டுமே கார்கில் போரில் பங்கேற்க அனுமதிக்கப்பட்டனர் என்பது அனைவரும் அறிந்த ஒன்று.கடுமையாக பயிற்சி பெற்ற வீரர்கள் மட்டுமே போரில் பங்கேற்றனர். ஆனால் லால் சிங் சத்தா படக்குழுவினர் இந்திய ராணுவம் பற்றி அவதூறு பரப்பும் வகையில், வேறு விதமாக சித்தரித்து காட்டி உள்ளனர் என புகாரில் குறிப்பிட்டப்பட்டுள்ளது.

    English summary
    Laal Singh Chaddha, starring Aamir Khan as the titular character in the official remake of Tom Hanks-starrer Forrest Gump, fell remarkably on day two of its release in theatres. The film collected around 7 crore on Friday. The two-day-total of the film would stand at around 19 crore at domestic box office.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X