அமீர் கான் படத்தை வாங்கிய உதயநிதி ஸ்டாலின்.. வெளியானது அட்டகாசமான அறிவிப்பு!

பெரிய படங்களை வாங்கும் உதயநிதி

இந்த ஆண்டு ரெட் ஜெயண்ட் மூவிஸ் விஷ்ணு விஷால் நடிப்பில் வெளியான FIR, சூர்யாவின் எதற்கும் துணிந்தவன், பிரபாஸின் ராதே ஷ்யாம், விஜய்சேதுபதியின் காத்துவாக்குல ரெண்டு காதல், சிவகார்த்திகேயனின் டான், கமல்ஹாசனின் விக்ரம் மற்றும் மாதவனின் ராக்கெட்ரி உள்ளிட்ட படங்களை வெளியிட்டுள்ளது. மேலும், சந்தானத்தின் குலுகுலு, சியான் விக்ரமின் கோப்ரா, தனுஷின் திருச்சிற்றம்பலம், சிம்புவின் வெந்து தணிந்தது காடு, கார்த்தியின் தீபாவளி ரிலீசான சர்தார் படம் வரை ரெட் ஜெயண்ட் மூவிஸ் தான் வெளியிட உள்ளது குறிப்பிடத்தக்கது.

அமீர் கான் படம்

வரும் ஆகஸ்ட் 11ம் தேதி வெளியாக உள்ள அமீர் கானின் லால் சிங் சத்தா படத்தின் தமிழ்நாட்டு வெளியீட்டு உரிமையை உதயநிதி கைப்பற்றி உள்ளதாக அதிகாரப்பூர்வமாக உதயநிதி ஸ்டாலின் அறிவித்துள்ளார். தமிழ், தெலுங்கு, இந்தி உள்ளிட்ட பல்வேறு மொழிகளில் இந்த படம் பான் இந்தியா படமாக வெளியாக உள்ளது குறிப்பிடத்தக்கது.

ராஜமெளலி, சிரஞ்சீவி படம் பார்த்தாச்சு

இந்திய அளவில் இந்த படத்தை கொண்டு சேர்க்கும் முயற்சியில் ஈடுபட்டு வருகிறார் அமீர்கான். சிரஞ்சீவி, ராஜமெளலி, ராம்சரண், புஷ்பா பட இயக்குநர் சுகுமார் மற்றும் நாக சைதன்யா உள்ளிட்ட பிரபலங்களுக்கு போட்டுக் காட்டி இருந்தார். தெலுங்கில் இந்த படத்தை சிரஞ்சீவி வெளியிடப் போவதாக அறிவித்துள்ளார். படத்தை பார்த்த பிரபலங்கள் அமீர் கானின் அசாத்திய நடிப்பை வெகுவாக பாராட்டி உள்ளனர்.

Recommended Video

கெத்தா என்ட்ரி குடுத்த Legend | Legend Audio Launch | Legend Saravanan Mass Entry #Kollywood

ஹாலிவுட் ரீமேக்

பாலிவுட் முழுவதுமே ரீமேக் படங்களாக நிறைந்து வரும் நிலையில், அமீர் கானின் படமாவது புதிய கதையாக வரும் என்று பார்த்த ரசிகர்களுக்கு இந்த படம் பிரபல ஹாலிவுட் படமான தி ஃபாரஸ்ட் கம்ப் படத்தின் அதிகாரப்பூர்வ ரீமேக் என்பது தெரிந்த நிலையில், சற்றே அப்செட் ஆகி உள்ளனர். சமீபத்தில் வெளியான லால் சிங் சத்தா டிரைலரும் ரசிகர்கள் மத்தியில் பெரிய வரவேற்பை பெறாத நிலையில், ஆர்ஆர்ஆர், கேஜிஎஃப் பட வசூலை அமீர் கானின் இந்த படம் எப்படி முறியடிக்கப் போகிறது என்கிற கேள்வியும் எழுந்துள்ளது.