கேபியை காப்பாற்ற துடிக்கும் அர்ச்சனா.. கிச்சன் டீம் கேப்டன் பதவி.. பாலாவுக்கு புரிய வைத்த ஆரி!

இரண்டாவது முறையாக

ரியோவுக்கு அடுத்து இந்த சீசனில் இரண்டாவது முறையாக ரம்யா பாண்டியனுக்கு கேப்டன் பதவி கிடைத்துள்ளது. முதல் வாரத்தில் கொடுக்கப்பட்ட டாஸ்க்கில் பந்தே கிடைக்காத ரம்யாவை கேப்டனாக்கி அழகு பார்த்தார் பிக் பாஸ். இந்த முறை போராடி ஜெயித்து, கடைசியில் செம ட்விஸ்ட்டாகி கேப்டன் பதவியை பெற்றுள்ளார்.

அர்ச்சனா கேப்டன்

கிச்சன் டீமுக்கு கேப்டனாக அர்ச்சனாவை நியமித்து அழைத்த ரம்யா பாண்டியன். உங்க டீமுக்கு யாரெல்லாம் வேண்டுமோ, விருப்பப்படுபவர்களை தேர்வு செய்து கொள்ளுங்கள் என்றார். அர்ச்சனா கேட்டதும் ஆரி கை தூக்கினார். ஆனால், நீங்க 2 வாரம் வேலை செஞ்சிட்டீங்க என்று அவரை அர்ச்சனா ஒதுக்கி விட்டார்.

நான் வரேன்

ஆனால், மூன்று வாரம் கிச்சன் டீமில் இருந்த கேபி, நான் வரேன் என்று அடம்பிடித்த போது, அர்ச்சனா அவரை தடுக்காமல் ஏற்றுக் கொண்டார். கேபியை கிச்சன் டீமுக்கு கொண்டு வரத்தான் ஆரியை வேண்டாம் என அர்ச்சனா தடுத்ததாக பாலா மற்றும் அனிதாவிடம் பேசும் போது ஆரி விளக்கினார்.

கிச்சன் டீமில் பாலா

கேபியை தொடர்ந்து, பாலாவும் கிச்சன் டீமுக்கு வரேன் என அன்பு கேங்கில் ஒட்டுமொத்தமாக ஐக்கியமாக நினைத்து விட்டார். ஆனால், அதனை தடுப்பதற்காக, தம்பி, அங்க நடந்தது பக்கா ஃபேவரிஸம்.. அர்ச்சனா கேபியை அடுத்த வாரமும் எவிக்‌ஷனில் இருந்து காப்பாற்ற பண்ண டிராமா என தெளிவாக விளக்கினார். அர்ச்சனாவை கேப்டனாக ரம்யா நியமித்த நிலையில், கேபியை கிச்சன் டீம் கேப்டனாக ஆக்கி விட்டார் அர்ச்சனா.

வெளியேற விரும்பும் பாலா

ஆரி விளக்கி சொன்னதும் புரிந்து கொண்ட பாலா, கிச்சன் டீமில் ஒட்டுமொத்தமாக அர்ச்சனா கேங் தான் இருக்கு என்பதை தெரிந்து தெளிந்து கொண்டார். இதுவரை கேங்கில் சேராத நாம், இனியும் கேங்கில் சேர்ந்தால் நல்லா இருக்காது என்று நினைத்து, கிச்சன் டீமில் இருந்து வெளியேற போகிறேன் என்று கூறிவிட்டார்.

செம சூழ்ச்சி

இந்த சீசனில் பிக் பாஸுக்கு மேல பெரிய பாஸாக அர்ச்சனா அக்கா வேற ஒரு செம சூழ்ச்சி கேம் ஆடி வருகிறார் என்கிற குற்றச்சாட்டை ரசிகர்கள் வைத்து வருகின்றனர். பிக் பாஸ் வீட்டில் இருக்கும் மற்ற போட்டியாளர்களுக்கும் அது நன்றாகவே புரிந்துள்ளது. எந்த வேலையையும் செய்யாமல் இருக்கும் கேபியை, (அவரே ஒப்புக் கொண்டார்) அடுத்த வாரமும் காப்பாற்ற துடிக்கிறார் அர்ச்சனா. நாளை என்ன ஆகுமோ? வெயிட் பண்ணி பார்ப்போம்.