அழகா திட்டம் போட்டு ஆடிய ஆரி.. குழம்பிப் போன ரியோ, சோம்.. கேம்ன்னா இப்படி இருக்கணும்!

நேர்மையின் சின்னம்

சனம் ஷெட்டி வெளியேறும் போதும், ஜித்தன் ரமேஷ் வெளியேறும் போதும் ஆரியின் நேர்மையை பாராட்டினர். நேர்மையின் சின்னம் என சனம் ஷெட்டி ஆரிக்கு தனியாக ஒரு பட்டமே கொடுத்தார். ஆனால், அர்ச்சனாவால் அதை இன்னமும் ஜீரணிக்க முடியவில்லை. எந்த விளையாட்டாக இருந்தாலும், கேமை கேமாக விளையாட வேண்டும் என்கிற குறிக்கோளில் ஆரி நழுவவே இல்லை என்பதை இந்த கோழிப்பண்ணை டாஸ்க்கும் வெளிச்சப்படுத்தி உள்ளது.

சூப்பர் பேரம்

நரியிடம் கோழி தனது தங்க முட்டையை காப்பாற்ற வேண்டும் என்றால், நரியை விட தந்திரமாக திட்டம் போட வேண்டும் என்பதற்கு எடுத்துக்காட்டாக, ரியோ மற்றும் சோமசேகரிடம் தனித் தனியாக ஆரி பேரம் பேசியதும் அதில் அவர் எடுத்து வைத்த அந்த பாயின்ட்டும் ரசிகர்களை அட போட வைத்தது.

முட்டையை எடுப்பதை தடுக்கவில்லை

என் முட்டையை எடுத்துக் கொள்ளாதே நரி என ரியோவிடமும் சோமிடமும் ஆரி பேரம் பேசவில்லை. அதற்கு பதிலாக ரொம்பவே புத்திக் கூர்மையுடன், கடைசியாக வந்து என் முட்டையை எடுக்க முயற்சி செய் என ரியோவிடமும் சோமிடமும் செம ஸ்மார்ட்டாக ஆரி பேரம் பேசியது ரசிகர்களை வியக்க வைத்தது.

அம்பலமான ரகசியம்

ஆரி தந்திரமாக திட்டம் போட்டு இப்படியொரு பேரத்தை இருவரிடமும் போட்ட நிலையில், சோம் மற்றும் ரியோ, ஆரி என்ன பேரம் பேசினார் என்பது பற்றி பேச ஆரம்பித்தனர். அப்போது தான், ஆரியின் நரித்தந்திரம் அவர்களுக்கு புரிய வந்தது. அவர் கிட்ட போட்ட ஒப்பந்தப்படி பார்த்தா யார் கடைசியாக போவது, நீயா அல்ல நானா என்கிற குழப்பம் அவர்களுக்குள் வந்தது.

விலகிய ரியோ

ஆரியின் ஐடியாவை இருவரும் தெரிந்து கொண்ட நிலையில், நான் இந்த பேரத்தில் இருந்து விலகிக் கொள்கிறேன் என ரியோ ராஜ் விலகிக் கொண்டார். ஆனாலும், ஆரியின் அந்த ஆட்ட யுக்தியை அவரது ஆர்மியினர் சமூக வலைதளங்களில் ஸ்க்ரீன் ஷாட்களாகவும், வீடியோ கட்களாகவும் எடுத்துப் போட்டு கொண்டாடி வருகின்றனர்.