Don't Miss!
- News வேலி தாண்டிய வெள்ளாடு.. கோவை லாட்ஜ் டூ திருச்சி லாட்ஜ்.. வெறும் 14 வயசு தான்.. என்ன கொடுமை இதெல்லாம்
- Lifestyle கோடை காலத்தில் முட்டை சாப்பிடலாமா? கூடாதா? நிபுணர்கள் சொல்லுவது என்ன?
- Automobiles தார் ரோடு, பாறைகள் நிறைந்த ஆஃப்-ரோடு எதா இருந்தாலும் ஒரு கை பாத்திடலாம்! இந்தியாக்கு ஏத்த கார் விராங்ளர்!
- Technology உங்க மொபைலில் கூகுள் பே, போன் பே, பேடிஎம் செயலிகள் இருக்கா? இதை கட்டாயம் தெரிஞ்சுக்கோங்க.. ஏன்?
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Finance ஆதார் அட்டை தொலைஞ்சி போயிடுச்சா.. கவலை வேண்டாம்.. இதை மட்டும் பாலோ பண்ணுங்க..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
நான் பார்க்க ஆம்பள மாதிரி இருக்கேனா?: கலாய்த்தவரை விளாசிய ஆத்மிகா
சென்னை:
தன்னை ஆண்களுடன் ஒப்பிட்டு கிண்டல் செய்த ஒருவரை லெஃப்ட் அன்ட் ரைட் வாங்கியுள்ளார் நடிகை ஆத்மிகா.
நடிகை ஆத்மிகா எப்பொழுது தனது புகைப்படத்தை சமூக வலைதளங்களில் வெளியிட்டாலும் அவரை ஆண்களுடன் ஒப்பிட்டு கிண்டல் செய்கிறார்கள். அவர் பார்க்க ஆண் போன்று இருப்பதாக கலாய்க்கிறார்கள்.
இந்நிலையில் அப்படி கலாய்த்த ஒருவருக்கு ஆத்மிகா தக்க பதிலடி கொடுத்துள்ளார். இது குறித்து அவர் இன்ஸ்டாகிராமில் கூறியிருப்பதாவது,
இது நியாயமே இல்லை, அது என்ன ரஜினியை இப்படி கலாய்க்கிறது?
மகிழ்ச்சி
நீங்கள் என்னை இந்த லெஜன்டுகளுடன் ஒப்பிடுவதில் எனக்கு மகிழ்ச்சி. நன்றி. இந்த பதில் உங்களுக்கு மட்டும் அல்ல உங்களை போன்ற அனைவருக்கும். இந்த புகைப்படத்தை பார்த்து எனக்கு சிரிப்போ, கவலையோ வரும் என்று நினைக்கிறீர்களா?. அது தான் தவறு. எனக்கு எதுவும் தோன்றவில்லை. உங்களை நினைத்து தான் பரிதாபமாக உள்ளது.
பெண்
ஆண், பெண் எப்படி இருக்க வேண்டும் என்ற உங்களின் புரிதலை நினைத்து பாவமாக உள்ளது. பார்க்க எப்படி இருக்கிறோம் என்பது முக்கியம் இல்லை. பார்க்க நீங்கள் எப்படி இருப்பீர்கள் என்பதை தெரிந்து கொள்ள ஆவலாக உள்ளது. நீங்கள் ரித்திக் ரோஷன் போன்றே இருந்தாலும் உங்களின் இதயம் தூய்மையானதாக இல்லாததால் நீங்கள் அழகில்லை என்றே நினைக்கிறேன்.
குணம்
அடுத்தவர்களை காயப்படுத்தி இன்பம் காண்கிறீர்கள். உங்களின் இந்த குணம் மாற நான் பிரார்த்தனை செய்கிறேன். அழகு உள்ளிருந்து வர வேண்டும். வெற்றி, அழகு, உடை, பார்வை, நடை இப்படி பலவற்றுக்காக கலாய்க்கப்படும் பெண்களின் சார்பாக நான் இதை எழுதுகிறேன். ஒரு பெண்ணாக அதுவும் மகளிர் தினத்தன்று நான் அமைதியாக இருக்க முடியாது. இனி இது போன்று எந்த பெண்களுக்கும் நடக்கவிட மாட்டேன்.
மரியாதை
ஒரு பெண் பார்க்க எப்படி இருக்க வேண்டும் என்று நீங்களோ, வேறு யாரோ விவரிக்கத் தேவையில்லை. பார்க்க எப்படி இருக்கிறார்கள் என்பதை வைத்து ஆண்களை நாங்கள் மதிப்பிடவில்லை. அவர்கள் எங்களை எப்படி நடத்துகிறார்கள், மரியாதை கொடுக்கிறார்கள் என்பதை வைத்தே மதிப்பிடுகிறோம். அவர்களின் தனித்தன்மைக்காக அவர்களை மதிக்கிறோம். கடவுள் எங்களுக்கு கொடுத்துள்ளதை வைத்து நாங்கள் மகிழ்ச்சியாக உள்ளோம். உங்கள் தாய், சகோதரிகள் அல்லது எந்த பெண்ணாக இருந்தாலும் அவர்களை அவர்களாகவே ஏற்று பத்திரமாக பார்த்துக் கொள்ளவும்.
நம்பிக்கை
துணிச்சல், பயமின்மை, நம்பிக்கை தான் என் அழகு. பெண்கள் யாரும் மற்றொரு பெண்ணை இழிவுபடுத்த மாட்டார்கள். அதனால் நீங்கள் ஆணாகத் தான் இருக்க வேண்டும். @mokka_rated_0.00 உங்களை நான் பிரபலமாக்கிவிட்டேன் என்று தெரிவித்துள்ளார் ஆத்மிகா. ஆத்மிகாவின் பதிலை அடுத்து அந்த நபர் தனது இன்ஸ்டாகிராம் பக்கத்தை நீக்கிவிட்டார்.