Don't Miss!
- Sports ஐபிஎல் 2024 - சிஎஸ்கே பிளே ஆப் வாய்ப்பு பாதிப்பு.. புள்ளி பட்டியலில் கீழே சரிந்தது
- News தமிழ்நாடு முழுவதும் மாணவர்களுக்கு இன்று முதல் கோடை விடுமுறை.. மீண்டும் பள்ளிகள் திறப்பு எப்போது?
- Finance மாலத்தீவு தேர்தல்: இந்தியாவுக்கு மீண்டும் ஒரு தலைவலி..!
- Automobiles ஓலா, ஏத்தர் எல்லாம் ஓரமா போ! ஆம்பியர் நிறுவனத்தின் புதிய இவி 30ம் தேதி வருது!
- Lifestyle குரு பார்வை இருந்தால் திருமணம் நடந்துவிடுமா? ஜோதிடம் சொல்வது என்ன?
- Technology கம்பெனிக்கு கட்டுமா பாஸ்.. ரூ.10,999 போதும்.. 108MP கேமரா.. 8GB ரேம்.. புதிய itel போன் அறிமுகம்.. எந்த மாடல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
அபிசரவணன் -அதிதி மேனன் திருமண விவகாரம்... வைரலாகும் புதிய வீடியோ!
Recommended Video
சென்னை: நடிகை அதிதி மேனன் கழுத்தில் நடிகர் அபிசரவணன் தாலி கட்டும் திருமண வீடியோ வைரலாகியுள்ளது.
கடந்த சில வாரங்களாக தமிழ் திரையுலகில் இரண்டு திருமணங்களைப் பற்றிய பேச்சு தான் பரபரப்பாக உள்ளது. ஒன்று ஆர்யா-சாயிஷா திருமணம். மற்றொன்று அபிசரவணன் - அதிதி மேனன் திருமணம். முன்னது பெற்றோர்களால் நிச்சயம் செய்யப்பட்டு அடுத்த மாதம் நடைபெற இருக்கிறது.
இரண்டாவது திருமணம் நடைபெற்றதா இல்லையா என்பதே கேள்விக்குறியாகத் தான் உள்ளது.
காதல் திருமணம்:
பட்டதாரி படத்தில் சேர்ந்து நடித்த போது அபி சரவணனும், அதிதி மேனனும் காதலித்து திருமணம் செய்து கொண்டதாகக் கூறப்படுகிறது. கருத்து வேறுபாடு காரணமாக தற்போது இருவரும் பிரிந்து வாழ்ந்து வருகின்றனர்.
கடத்தல் புகார்:
கடந்த வாரத்தில் அபி சரவணனை சிலர் கடத்தி விட்டதாக அவரது தந்தை போலீசில் அளித்த புகாரால் பரபரப்பு ஏற்பட்டது. பின்னர் யாரும் தன்னைக் கடத்தவில்லை என அவர் விளக்கம் அளித்தார்.
போலீசில் புகார்:
இது ஒருபுறம் இருக்க, நடிகர் அபிசரவணனுடன் தனக்கு திருமணம் நடந்து விட்டதாக அவதூறு பரப்பபடுகின்றது என்று காவல் ஆணையர் அலுவலகத்தில் நடிகை அதிதி மேனன் புகார் அளித்தார். பதிவுத் திருமணம் நடைபெற்று விட்டதாக அபிசரவணன் போலி சான்றிதழைக் காட்டுவதாகவும் அதில் அவர் தெரிவித்திருந்தார். மேலும் அபி சரவணன் நிவாரண பணத்தில் முறைகேடு செய்ததாகவும் குற்றஞ்சாட்டினார்.
ஆதாரத்துடன் மறுப்பு:
இதையடுத்து காவல் ஆணையரகத்தில் தன் மீதான புகாருக்கு நடிகர் அபி சரவணன் மறுப்பு தெரிவித்து விளக்கம் அளித்துள்ளார். தனக்கும் அதிதிக்கும் நடந்த திருமணத்தின் போது அதிதியால் எடுக்கப்பட்ட வீடியோ ஒன்றையும் ஆதாரமாக கொடுத்துள்ளார். தமிழக அரசின் இணையதளத்தில் தாங்கள் இருவரும் தம்பதிகள் என பதிவு செய்யப்பட்ட ஆதாரத்தையும் அபி சரவணன் வழங்கினார்.
வைரல் வீடியோ:
இந்நிலையில், அதிதி கழுத்தில், நடிகர் அபிசரவணன் தாலிகட்டும் வீடியோ ஒன்று தற்போது வெளியாகி உள்ளது. ஒரு அறையில் தனிமையில் அதிதி மேனன் கழுத்தில் அபிசரவணன் தாலி கட்டுகிறார். இதனை செல்போனில் அவர்களே பதிவு செய்துள்ளனர். இந்த வீடியோ தற்போது இணையத்தில் வைரலாகியுள்ளது.
விஸ்வாசம் வெற்றி.. தல-யைத் தொடர்ந்து தளபதியை இயக்கும் சிவா?