பாஸ்.. அடுத்த ஷாரூக்- கஜோல் யாரு தெரியுமா?

தில்வாலே...

கடந்த வாரம் ரிலீசான தில்வாலே தற்போது வெற்றிகரமாக திரையரங்குகளில் ஓடிக் கொண்டிருக்கிறது. மீண்டும் ஷாரூக்-கஜோல் ஜோடி சேர்ந்து நடித்துள்ள இப்படத்தை ரசிகர்கள் விரும்பிப் பார்த்து வருகின்றனர்.

அடுத்த ஷாரூக்-கஜோல்...

இந்நிலையில், பேட்டியொன்றில் திரையில் அடுத்த ஷாரூக்-கஜோல் ஜோடியாக ஜொலிக்கும் திறமை கொண்டவர்கள் யார் என ஷாரூக்கிடம் கேள்வி எழுப்பப்பட்டது. இதற்கு ரன்வீர்-தீபிகா, ரன்பீர்-தீபிகா, சித்தார்த்-அலியா, பவாத்-சோனம் என சாய்ஸும் கொடுக்கப்பட்டது.

அப்ராம்-ஆரத்யா...

ஆனால், இந்தப் பட்டியலில் இல்லாத புதிய ஜோடி பெயரைத் தெரிவித்து அனைவரையும் ஆச்சர்யப்படுத்தி விட்டார் ஷாரூக். ஆம், திரையில் அடுத்த ஷாரூக்-கஜோல் ஜோடியாக அப்ராம்-ஆரத்யா ஜோடி திகழும் என அவர் பதிலளித்தார்.

நட்சத்திர வாரிசு...

அப்ராம் ஷாரூக்கின் மூன்றாவது மகன் ஆவார். இதே போல், ஆரத்யா, ஐஸ்வர்யா ராய்- அபிஷேக் பச்சனின் மகள் ஆவார்.

கஜோலின் மறுப்பு...

ஷாரூக்கின் இந்தப் பதிலைக் கேட்டு கஜோல், ‘அப்ராம் ஆரத்யாவை விட வயதில் சின்னவர் ஆயிற்றே. பிறகு எப்படி அவர்கள் சிறந்த ஜோடியாக திகழ முடியும்? என கேள்வி எழுப்பினார்.

அதனால் என்ன?

அதற்கு ஷாரூக், "இருக்கட்டுமே, நான் உன்னை விட வயதில் சிறியவனாக இருந்திருந்தால், என்னுடன் ஜோடி சேர்ந்து நடித்திருக்க மாட்டாயா என்ன.. ?" என நகைச்சுவையாக பதிலளித்துள்ளார்.

ஷாருக்கானிடம் பேச ஜெயிக்க முடியுமா பாஸ்!