லாக்டவுனால் பாதிக்கப்பட்ட உதவி இயக்குனர்கள்..ஒரு மாதத்துக்கான உணவுப்பொருட்கள் வழங்கிய நடிகர் ஆதி!

யாகாவாராயினும் நாகாக்க

பின்னர் அய்யனார், ஆடுபுலி, வசந்தபாலன் இயக்கிய அரவான், யாகாவாராயினும் நாகாக்க உட்பட சில படங்களில் நடித்தார். தமிழில் நடித்துகொண்டே தெலுங்கு படங்களில் நடித்துவருகிறார். அங்கு குண்டல்லோ கோதாரி, மலுப்பு, ரங்கஸ்தலம், நீவெவ்வரு உட்பட சில படங்களில் நடித்துள்ளார். இப்போது தமிழ், தெலுங்கில் உருவாகும் கிளாப் படத்தில் நடித்துவருகிறார்.

லாக்டவுன்

கொரோனா லாக்டவுனால் இதன் படப்பிடிப்பு பாதிக்கப்பட்டுள்ளது. இந்நிலையில் இந்த லாக்டவுன் காரணமாக தியேட்டர்கள் மூடப்பட்டுள்ளன. படப்பிடிப்புகள் ரத்து செய்யப்பட்டுள்ளன. பல படங்களின் ரிலீஸ் ஒத்திவைக்கப்பட்டுள்ளது. இதையடுத்து சினிமா தொழிலாளர்களின் வாழ்வாதாரம் பாதிக்கப்பட்டுள்ளது. தினசரி சம்பளம் வாங்கும் சினிமா தொழிலாளர்களும் பாதிக்கப்பட்டுள்ளனர்.

லெட்ஸ் த பிரிட்ஜ்

அவர்களோடு, உதவி இயக்குனர்கள் வாழ்க்கையும் கேள்விக்குறியாக இருக்கிறது. இதையடுத்து அவர்களுக்கு சிலர் உதவி செய்து வருகின்றனர். இந்நிலையில், நடிகர் ஆதி, தங்களுடைய லெட்ஸ் த பிரிட்ஜ் (Let's the Bridge) என்ற அமைப்பின் மூலம் உதவி இயக்குனர்களுக்கு அடிப்படைத் தேவைகளை வழங்கி உதவியுள்ளார்.

உணவு பொருட்கள்

இதுபற்றி வெளியிட்டுள்ள அறிக்கையில், அவர் கூறியிருப்பதாவது: உதவி இயக்குனர்களுக்கு உணவு பொருட்கள் வழங்க முடிவு செய்து, ஒரு பட்டியல் உருவாக்கப்பட்டது. அதன்படி, கோடம்பாக்கம், வடபழனி, சாலிகிராமம், கே.கே.நகர், நெசப்பாக்கம், வளசரவாக்கம், உட்பட சில பகுதிகளில் சிரமப்படும் உதவி இயக்குனர்கள் சேர்க்கப்பட்டார்கள்.

சினிமா நண்பர்கள்

அவர்களுக்கு தகுந்த பாதுகாப்புடன் சென்று, ஒரு மாதத்துக்குத் தேவையான உணவுப் பொருட்களை வழங்கியுள்ளோம். இது இருள் சூழ்ந்த காலம் என்றாலும் சினிமா நண்பர்கள் மன உறுதியையும் நம்பிக்கையையும் இழக்காமல் இருக்க, எங்கள் கடமையை செய்துள்ளோம். இவ்வாறு நடிகர் ஆதி கூறியுள்ளார். ஆதியின் இந்த உதவியை சினிமாத்துறையினர் பாராட்டியுள்ளனர்.