#மீ டூ.. அஜித் அப்போ சொன்னது இப்போ பலிச்சிடுச்சு!

மீ டூ பற்றி அஜித்:

இந்நிலையில், திருமணத்திற்குப் பிறகு சகநடிகைகளுடன் அதிகம் கிசுகிசுக்கப் படாதவரான அஜித்தும் மீ டூ பற்றி பேசிய தகவல் தற்போது கிடைத்துள்ளது. விஸ்வாசம் படப்பிடிப்பின் போது அவர் இது பற்றி பேசியுள்ளார்.

சமையல் பேச்சு:

காமெடி நடிகை மதுமிதாவிடம் தான் இது பற்றி அஜித் பேசி இருக்கிறார். அஜித் பிரியாணி செய்வதில் வல்லவர் என்பது ஊரறிந்த விசயம். இதனால் பெரும்பாலும், அஜித்திடம் அவர் சமையல் பற்றித் தான் அதிகம் பேசுவாராம்.

பிரச்சினைகள் குறையும்:

அப்படி ஒருமுறை பேசிக் கொண்டிருந்தபோது, அஜித் மீ டூ இயக்கம் பற்றி பேசியுள்ளார். ‘ஹாலிவுட்டில் மீடூனு ஒரு விஷயம் இருக்கு. அது தமிழ் சினிமாவிலும் நடந்தால், நிறைய பாலியல் பிரச்னைகள் குறையும்'னு என அவர் கூறியுள்ளார்.

வெயிட் அண்ட் ஸீ:

அஜித் அப்போது கூறியது போலவே, தற்போது தமிழில் மீ டூ பூதாகரப் பிரச்சினை ஆகியுள்ளது. ஆனால், அவர் எதிர்பார்த்தது போல் பாலியல் பிரச்சினைகள் குறைந்துள்ளதா என்பதைப் பொறுத்திருந்து தான் பார்க்க வேண்டும்.

பொங்கல் ரிலீஸ்:

அஜித் - சிவா கூட்டணி நான்காவது முறையாக இணைந்திருக்கும் படம் `விஸ்வாசம்‘. இந்தப் படத்தில் அஜித்துக்கு ஜோடியாக நயன்தாரா மற்றும் முக்கியமான கதாபாத்திரங்களில் தம்பி ராமையா, ரோபோ சங்கர், `ஓகே ஓகே' மதுமிதா, கலைராணி என பலர் நடித்துள்ளனர். இப்படம் வரும் பொங்கலுக்கு ரிலீசாக இருக்கிறது என்பது குறிப்பிடத்தக்கது.