“அஜித்திற்கு நடிப்பைவிட பிரியாணி செய்யத்தான் ஆர்வம் அதிகம்”..பிரபல நடிகரின் சர்ச்சைப் பேச்சு!

அஜித்தின் ஆர்வம்:

அப்பேட்டியில் சில நடிகர்களின் பெயர்களைக் குறிப்பிட்டு, அவர்களின் பிளஸ் மற்றும் மைனஸ் என இரண்டையும் கூறியுள்ளார் பப்லு. அதில், அஜித் பற்றி கூறுகையில், "அஜித் மிகவும் மரியாதையான மனிதர், ஸ்டைலிஷான நடிகர். ஆனால் அவருக்கு நடிப்பின் மீது ஆர்வம் கிடையாது. ஜீரோ டெடிக்கேஷன் நபர். அவருக்கு அதிர்ஷ்டம் வீடு தேடி வருகிறது. பிரியாணி சமைப்பதில் தான் அதிக ஆர்வம் உள்ளது" எனக் கூறியுள்ளார்.

சூர்யாவின் மனநிலை:

இதே போல், நடிகர் சூர்யா பற்றி எழுப்பப்பட்ட கேள்விக்கு, "சூர்யா மிகவும் ஈடுபாட்டுடன் நடிக்கும் நடிகர். ஆனால் உலகமே தன்னைச் சுற்றி இயங்குகிறது என்கிற மனநிலையில் இருப்பதாக தான் கருதுவதாகவும், அவரது நடிப்பு காலம் முடிந்து விட்டது" எனக் கூறி பரபரப்பை ஏற்படுத்தியுள்ளார் பப்லு.

மம்முட்டிக்கு பாராட்டு:

பின் பிரபல மலையாள நடிகர் மம்முட்டி பற்றிய கேள்விக்கு, "நல்ல நடிகர், நிறைய பேச விரும்புவார். நான் கிளம்புகிறேன் என கூறினால் கூட, தன்னை அமர்ந்து பேசுவார். அவர் ஒரு நல்ல மனிதர் அதே நேரத்தில் சிறந்த நடிகர்" என அவர் கூறியுள்ளார்.

அஜித்தின் வில்லன்:

தமிழ் மட்டுமின்றி தெலுங்கு, கன்னடம், ஹிந்தி, உள்ளிட்ட மொழிகளிலும் நடித்துள்ளார் பப்லு. ரஜினியின் 'நான் சிவப்பு மனிதன்' படத்தில் முக்கிய கதாபாத்திரத்தில் நடித்துள்ள அவர், அஜித்துடன் 'அவள் வருவாளா' படத்தில் வில்லனாகவும், சூர்யாவுடன் வாரணம் ஆயிரம், நாகார்ஜுனாவுடன் பயணம், மம்முட்டியுடன் அழகன் போன்ற பல படங்களில் நடித்துள்ளார் என்பது குறிப்பிடத்தக்கது.