சிவில் சர்வீஸ் தேர்வில் தேர்ச்சி..இந்திய அளவில் சாதனை படைத்த பிரபல நடிகரின் மகன்..குவியும் வாழ்த்து!

நகைச்சுவை நடிகர்

ராஜா சின்ன ரோஜா, கிழக்கு வாசல், இதயம், வெற்றி விழா, கண்ணெதிரே தோன்றினாள், டும்டும்டும் உள்ளிட்ட பல படங்களில் நடித்துள்ளார். ரஜினி நடிப்பில் வெளியான பேட்ட படத்திலும் நடித்திருக்கிறார் சின்னி ஜெயந்த். சின்னி ஜெயந்த் 1980 மற்றும் 90களில் நகைச்சுவை நடிகராக கலக்கியவர்.

உனக்காக மட்டும்

நகைச்சுவை நடிகராக மட்டுமின்றி பல படங்களில் குணச்சித்திர நடிகராகவும் நடித்து வருகிறார். நடிகர் சின்னி ஜெயந்த் உனக்காக மட்டும் என்ற படத்தின் மூலம் இயக்குநராக அறிமுகமானார். கானல் நீர் என்ற படத்தின் மூலம் நடிகர் ஜேகே ரித்திஷை ஹீரோவாக அறிமுகப்படுத்தியவர் சின்னி ஜெயந்த்.

சிவில் சர்வீஸ் தேர்வில் தேர்ச்சி

இந்நிலையில் தனது மகனால் பெருமையடைந்துள்ளார் சின்னி ஜெயந்த். அதாவது சின்னி ஜெயந்த்தின் மகன் ஸ்ருதன், சிவில் சர்வீஸ் தேர்வில் தேர்ச்சி பெற்று அகில இந்திய அளவில் சாதனை படைத்துள்ளார். ஐ.ஏ.எஸ், ஐ.பி.எஸ் உள்ளிட்ட பதவிகளுக்காக 2019-ம் ஆண்டு செப்டம்பரில் நடைபெற்ற சிவில் சர்வீஸ் தேர்வு முடிவுகள் நேற்று வெளியானது.

ரசிகர்கள் வாழ்த்து

இதில் ஐ.ஏ.எஸ், ஐ.பி.எஸ், ஐ.எஃப்.எஸ் உள்ளிட்ட பதவிகளுக்கு 829 தேர்ச்சி பெற்றுள்ளனர். இந்நிலைியில் நடிகர் சின்னி ஜெயந்தின் மகன் ஸ்ருதன் ஜெய் ஜெயந்த் சிவில் சர்வீஸ் தேர்வில் வெற்றி பெற்றுள்ளார். சிவில் சர்வீஸ் தேர்வில் அகில இந்திய அளவில் 75 வது இடம் பெற்று தேர்ச்சி பெற்றுள்ளார். இதையடுத்து ரசிகர்களும் திரைத்துறையினரும் சின்னி ஜெயந்த் மகன் ஸ்ருதனுக்கு வாழ்த்துக்களை தெரிவித்து வருகின்றனர்.

இரண்டாவது முயற்சி..

25 வயதாகும் ஸ்ருதன் ஜெய், யுபிஎஸ்சி தேர்வில் வெற்றி பெற வேண்டும் என தீவிரமாக முயற்சி செய்துள்ளார். இதில் முதல் முறை எழுதிய தேர்வில் பின்னடைவை சந்தித்த ஸ்ருதன், இரண்டாவது முறை எழுதிய தேர்வில் வெற்றி பெற்று சாதனை படைத்துள்ளார்.

ஸ்ருதனுக்கு வாழ்த்து

ஸ்ருதன் சங்கர் ஐஏஎஸ் அகாடமியில் பயிற்சி பெற்றவர் ஆவார். ரசிகர்களும் திரைத்துறையினரும் சிவில் சர்வீஸ் தேர்வில் வெற்றி பெற்ற சின்னி ஜெயந்த் மகனுக்கு ஸ்ருதனுக்கு வாழ்த்துக்களை தெரிவித்து வருகின்றனர்.