இந்திய நடிகர்களுக்கு ஹாலிவுட்டில் அதிக சான்ஸ் கிடைக்க தனுஷ் செய்த விஷயம்.. என்ன தெரியுமா?

நடிகர் தனுஷ்

நடிகர் தனுஷ் தமிழ், தெலுங்கு, இந்தி மட்டுமில்லாமல் ஹாலிவுட்டிலும் தன்னுடைய எல்லைகளை விரிவுப்படுத்திக் கொண்டுள்ளார். தன்னுடைய படங்களில், கேரக்டர்களில் அடுத்தடுத்து வித்தியாசங்களை காட்டி வருபவர். பள்ளி மாணவனாக தோன்றும் இவர் அசுரன் போன்ற படங்களில் வயதான தோற்றங்களிலும் நடித்து அசத்தியுள்ளார்.

தனுஷ் என்றால் வித்தியாசம்

தனுஷ் என்றாலே வித்தியாசம் தான் என்பது எழுதப்படாத சட்டமாக மாறியுள்ளது. தொடர்ந்து இதில் கவனம் செலுத்திவரும் தனுஷ், தமிழில் மட்டுமே தன்னை முடக்கிக் கொள்ளாமல் டோலிவுட், பாலிவுட் மற்றும் ஹாலிவுட் படங்களிலும் தொடர்ந்து நடித்து வருகிறார். தனது ஹாலிவுட் பயணத்தை கடந்த 2018லேயே இவர் துவங்கினார்.

தி க்ரே மேன் படம்

கடந்த 2018ல் இவரது நடிப்பில் தி எக்ஸ்ட்ராடினரி ஜர்னி ஆப் பகிர் என்ற ஹாலிவுட் படம் வெளியானது. இதனிடையே வரும் 22ம் தேதி இவரது தி க்ரே மேன் படம் நெட்பிளிக்சில் வெளியாகவுள்ளது. இந்தப் படத்தில் தனுஷின் சண்டைக் காட்சிகள் சமீபத்தில் வெளியாகி வரவேற்பை பெற்றது.

எந்த தயக்கமும் இல்லை

அவெஞ்சர்ஸ் படத்தை இயக்கிய இரட்டையர்கள் ரூசோ சகோதரர்களின் இயக்கத்தில் தி க்ரே மேன் படம் வெளியாகவுள்ளது. இந்நிலையில் இந்தப் படத்தின் முதல்காட்சியில் நடித்தது குறித்து தற்போது பேட்டியொன்றில் பேசியுள்ளார் தனுஷ். இந்தப் படத்தில் தான் மிகவும் உற்சாகமாவே நடித்ததாகவும் தனக்கு எந்தவிதமான தயக்கமும் இல்லை என்றும் தனுஷ் கூறியுள்ளார்.

தனக்கான பொறுப்பு

தற்போதுதான் இந்திய நடிகர்களை ஹாலிவுட் திரும்பி பார்க்கத் துவங்கியுள்ளதை சுட்டிக் காட்டிய அவர், அதனால் தன்னுடைய முழுமையான திறமையை இந்தப் படத்தில் வெளிக்காட்ட வேண்டிய பொறுப்பு தனக்கு இருந்ததாகவும் குறிப்பிட்டுள்ளார். இதன்மூலம் ஹாலிவுட்டிலிருந்து இந்திய நடிகர்களுக்கு அதிகமான அழைப்பு எதிர்காலத்தில் வருவதற்கு தான் காரணமாக அமைய வேண்டும் என்று தான் நினைத்ததாகவும் கூறியுள்ளார்.

Recommended Video

Ram Pothineni Exclusive | |Dhanush ஐ தெலுங்கில் Launch செய்த பெருமை எங்களுக்கு இருக்கு | *Interview

ஈர்க்கும் சண்டைக் காட்சிகள்

இதை மட்டுமே மனதில் வைத்து தான் நடித்ததாகவும் மற்றபடி ரூசோ சகோதரர்களுடன் இணைந்து பணியாற்றியது மிகவும் எளிமையாக இருந்ததாகவும் அவர் குறிப்பிட்டுள்ளார். இந்தப் படத்தில் தனுஷின் கேரக்டர் சிறியதாக இருந்தாலும் அனைவரையும் ஈர்க்கும் வகையில் சண்டைக்காட்சிகள் அமைந்துள்ளன.