ஈசிஆர் ஃபிரியா இருக்குனு அடிக்கடி ரெய்டு போகாதீங்க.. ஆபத்து: மாஸ்டர் விழாவில் போட்டுத்தாக்கிய தீனா!

அடுத்த மாதம் ரிலீஸ்

படத்தில் நடிகர் விஜய் கல்லூரி பேராசிரியராக நடித்துள்ளார். இதற்கு முன்பு லோகேஷ் கனகராஜ் இயக்கத்தில் வெளியான மாநகரம் மற்றும் கைதி படங்கள் நல்ல வரவேற்பை பெற்றதால் இயக்குநர் லோகேஷ் கனகராஜின் மீதான எதிர்பார்ப்பு அதிகரித்துள்ளது. படம் அடுத்த மாதம் திரைக்கு வரும் என ஏற்கனவே அறிவிக்கப்பட்டுள்ளது.

சன் டிவியில்..

இந்நிலையில் படத்தின் இசை வெளியீட்டு விழா சென்னை லீலா பேலஸ் ஹோட்டலில் விமர்சையாக நடைபெற்றது. இதில் படத்தில் நடித்த மற்றும் பணியாற்றிய அனைத்து பிரபலங்களும் பங்கேற்றனர். இந்த நிகழ்ச்சி சன் டிவியில் நேரலையாக 2 மணி நேர தாமத்திற்கு பிறகு ஒளிபரப்பப்பட்டது.

ஹீரோயினுக்கு கலாய்

இந்த நிகழ்ச்சியில் பேசிய நகைச்சுவை நடிகர் தீனா, கிண்டலும் கேலியுமாக தமிழும் ஆங்கிலமும் கலந்து அள்ளிவிட்டார். குறிப்பாக படத்தின் ஹீரோயினான மாளவிகா மோகனன், தன்னுடன் பேச அலைந்ததாக கூறிய அவர், தான் பிஸியாக இருந்ததால் பேச முடியவில்லை என்றார். மேலும் கவலைப் படாதம்மா நான் வந்து உன்கிட்ட பேசுகிறேன் என மரண கலாய் கலாய்த்தார்.

பொறுப்பு துறப்பு

மேலும் படத்தை பற்றிதான் எல்லேரும் எதிர்பார்ப்பார்கள். ஆனால் ஆடியோ லாஞ்சுக்கே எதிர்பார்ப்பு இருக்கும் என்றால் அது விஜய் படத்திற்குதான் என்றார். மேலும் தான் பேசுவது அனைத்தும் கற்பனையே, யார் மனதையும் புண்படுத்துவது நோக்கம் அல்ல என்று பொறுப்பை துறப்பு வாசகத்தை கூறினார்.

அடிக்கடி ரெய்டு

தொடர்ந்து பேசிய அவர், எல்லோருக்கும் பைக் ஓட்ட ஆசைதான். எல்லோர்க்கிட்டேயும் பைக் இருக்கு. ஆனா ஈசிஆர் ரோடு ஃபிரியா இருக்குன்னு அடிக்கடி ரெய்டு போகாதீங்க.. ஆபத்து என டபுள் மீனிங்கில் பேசினார். அவரது இந்த பேச்சைக் கேட்டு அரங்கமே ஆரவாரத்தில் அதிர்ந்தது. நிகழ்ச்சியில் பங்கேற்ற பிரபலங்களும் கைத்தட்டி சிரித்தனர்.

ஐடி ரெய்டு

ரசிகர்கள் ஓவென கத்தி ஆரவாரம் செய்தனர். நடிகர் விஜய் வீட்டில் கடந்த 30 நாட்களுக்குள்ளேயே 2 முறை வருமான வரித்துறை அதிகாரிகள் அதிரடி ரெய்டு நடத்தினர். ஈசிஆர் சாலையில் உள்ள விஜயின் வீட்டிலும் ரெய்டு நடத்தப்பட்டது. விஜய் வீட்டில் அடிக்கடி ஐடி ரெய்டு நடத்தப்படும் நிலையில் தீனா இப்படி பேசியது பரபரப்பை ஏற்படுதியது.

ராங் கால்..

தீனா, விஜய் டிவியின் கலக்கப்போவது யார் நிகழ்ச்சியில் ஜட்ஜஸ் முதல் சிறப்பு விருந்தினர் வரை அனைவரையும் ராங் கால் போட்டு மரண கலாய் கலாய்ப்பார். அதன் மூலம் பிரபலமான அவருக்கு கைதி படத்தில் நடிக்கும் வாய்ப்பை கொடுத்தார் லோகேஷ் கனகராஜ், இந்நிலையில் மாஸ்டர் படத்திலும் அவருக்கு வாய்ப்பு கொடுத்துள்ளார்.