விஜய் என பேரை மாற்றிக் கொண்ட ஜெய்.. எல்லாம் லவ் மேட்டருக்காகத் தான்.. எஸ்.ஏ.சி.யும் ஓகே சொல்லிட்டாரு

லவ் மேட்டர்ஸ்:

இந்நிலையில், எஸ்.ஏ.சந்திரசேகர் சிறிய இடைவெளிக்குப் பிறகு இயக்கும் புதிய படத்தில் நாயகனாகி இருக்கிறார் ஜெய். லவ் மேட்டர்ஸ் எனப் பெயரிடப்பட்டுள்ள இப்படத்தில், வைபவி, அதுல்யா என இரண்டு நாயகிகள்.

25வது படம்:

எஸ்.ஏ.சந்திரசேகருக்கு 70வது படமாக உருவாக இருக்கும் இப்படம், ஜெய்க்கு 25வது படம் ஆகும். எனவே, இப்படம் வெற்றியடைய வேண்டும் என தீவிரமாக உழைத்து வருகிறார் ஜெய். இளம் தலைமுறைக்கு பிடித்த வகையில் இப்படம் உருவாகி வருவதாகக் கூறப்படுகிறது.

விஜய்:

இப்படத்தில் ஜெய்யின் கதாபாத்திரத்திற்கு முதலில் கார்த்திக் என எஸ்.ஏ.சந்திரசேகர் பெயர் வைத்திருந்தார். ஆனால், ஜெய் அப்பெயரை மாற்றி, விஜய் என மாற்றச் சொல்லி கேட்டுக் கொண்டாராம். ஜெய்யின் விருப்பத்திற்கு ஏற்ப நாயகன் பெயரை விஜய் என எஸ்.ஏ.சி.யும் மாற்றி விட்டாராம்.

செண்டிமெண்ட்:

பெரும்பாலும் தனது தந்தையான எஸ்.ஏ.சி இயக்கத்தில் விஜய் நடித்த படங்களில் அவரது கதாபாத்திரப் பெயர் விஜய் என்று தான் இருக்கும். எனவே, அந்த செண்டிமெண்டில் தான் இப்படத்திலும் தனது பெயரை விஜய் என மாற்றிக் கொண்டுள்ளார் ஜெய் என்பது குறிப்பிடத்தக்கது.